E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Berisha tregon “tmerrin” e Ramës/ Nuk ka ndodhur kurrë që..

4 Prill 2018, 18:09, Aktualitet CNA

Ish-kryeministri Sali Berisha në një intervistë për INTV, ka folur në lidhje me vendimin e sotëm të gjykatës, e cila la në burg 11 prej personave të arrestuar në protestën e Kukësit.

Sipas Berishës, një situatë e tillë nuk është parë kurrë në Tiranë.

?Unë mendoj se Tirana pati sot një mëngjës të cilin, në memorien time nuk e ka patur as në kohërat më të zeza të diktaturës. Gjatë zhvillimit të një procesi gjyqësor nuk kam parë kurrë ndonjëherë që mijëra policë të vërshojnë në rrugët e Tiranës, të rrethojnë Gjykatën, të mbushin mjediset e Gjykatës së Tiranës, të shtynë e të grushtohen me deputetë të Kuvendit dhe qytetarët. E gjitha kjo sikur po gjykoheshin 23 super-terroristë, fallanga të Bin Laden dhe jo 23 qytetarë të Kukësit, heronj të vërtetë të protestës qytetare, të cilët janë rrëmbyer në mënyrën më terroriste në orën 2-3 të natës nga fallanga dhe kapuçonë të zinj të policisë?- u shpreh Berisha.

Sipas tij, janë rrënqethëse dhe tronditëse dëshmitë e tyre sot në Gjykatë. Invalidë të rënë me unaza në zemër, 66 vjeçar burri botës, apo tjetri, një person me arrest shtëpie me vendim gjykate për të cilin nuk ekziston asnjë foto apo fakt e dëshmi se ai ka qënë në protestë.

Berisha është shprehur se Edi Rama i tmerruar nga grushti turinjve që mori në Kalimash, nga thyerja e hundës që ata protestues i bënë në Kalimash, nga ai moment e deri sot sheh protestën tek zyrat e tij dhe kryeministria.

?Ai tani është lemeritur dhe nuk di se çbën pasi e kupton se dita po i vjen për ti dhënë përgjigje përfundimtare një njeriu, që sillet në mënyrën më kriminale ndaj qytetarëve. Të gjitha urdhër-arrestet janë dhënë me fletë boshe dhe në mënyrë kriminale nga prokurorë kriminelë, janë mbushur sikur ndalimet janë bërë në orën 10 të ditës në një kohë kur ka prej tyre që janë ndaluar edhe në ora 11 të natës të ditës së mëparëshme, dhe gjithë të tjerët nga ora 1 deri në 4 të mëngjesit.?