web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Gjykatës/ Klinikës së Gjinekologjisë i bllokohet llogaria bankare

4 Prill 2018, 21:25, Aktualitet CNA

Klinika e Gjinekologjisë dhe Akusherisë për ditë me radhë është me llogari bankare të bllokuar për 410.000 euro. Bllokimi vjen si pasojë e padisë së ngritur në vitin 2008 nga prindërit e fëmijëve të lindur në atë vit të cilët mbetën të verbër, pasi kishte vonuar diagnostifikimi i retinopatisë.

Nga Klinika e Gjinekologjisë kanë njoftuar se llogaria bankare është bllokuar ditën e hënë. Ministri i Shëndetësisë Venko Filipçe deklaroi se pasditen e sotme do të ketë takim me drejtoreshën e Gjinekologjisë dhe përfaqësues nga ministria e Financave për të shqyrtuar zgjidhjet e mundshme të këtij problemi.

“Vendimi për tërheqjen e parave nga llogaria, pas padisë për rastin e caktuar i cili ka qenë në vitin 2008 na tangon dhe neve. Ajo është shumë ekstra e cila nuk është e paraparë në buxhetin e Klinikës, për këtë qëllim pasditen e sotme do të kemi takim me institucionin në fjalë, me drejtoreshën e atij institucioni si dhe përfaqësues të ministrisë së Financave, t?i shqyrtojmë të gjitha rrethanat dhe do ta dimë se cilat hapa të mëtutjeshëm do të ndërmarrim “, tha Venko Filipçe, ministër i Shëndetësisë.

Pavarësisht kësaj, nga kjo Klinikë njoftuan se posedojnë mjete të mjaftueshme për të funksionuar normalisht. Kjo është hera e dytë që Klinikës së Gjinekologjisë i bllokohet llogaria bankare. Gjatë muajit shkurt, nga llogaria e kësaj Klinike u tërhoqën 150.000 euro për vendime gjyqësore për foshnja të cilat humbën shikimin derisa ishin nën kujdes intenziv në inkubatorët e Klinikës si foshnja të lindura para kohe./Alsat-M /





Lajmet e fundit nga