web counter
LEXO PA REKLAMA!

SHKARKO APP

App Store
Google Play

E fundit!

x

Policia terrorizon qytetarët/ Rama kërkon të shtypë të varfërit

5 Prill 2018, 09:01, Aktualitet CNA

Ngjarjet e fundit në Kukës pas protestës së dhunshme kundër tarfiës për Rrugen e Kombit kanë sjellë reagime të shumta në skenën e politikës dhe jo vetëm.

Ish-kreu e Departamentit të të Përndjekurve politik në PD, Tomor Alizoti nëpërmjet një postimi në faqen e tij në rrjetet sociale është shprehur se Rama ka vendosur të kërcënojë qytetarët e thjeshtë e të ndershëm me përdhunën e policisë.

?Një qeveri që pretendon se po pret të hapë negociatat, kërkon të shtypë revoltën e të varfërve me kallashnikovë! Ky nuk mund të jetë një vend europian.?- shkruan Alizoti.

Sipas tij, ?Edi Rama po dëshmon çdo ditë e më shumë se po ecën në rrugën e baballarëve të tij që e dhunuan dhe terrorizuan këtë popull për 50 vjet.?

Postimi i plotë:

Pamje të trishta na vijnë nga Kukësi, ku policë të armatosur me armë automatike, po patrullojnë në rrugët e qytetit për të terrorizuar qytetarët.

Pasi ua ka shkurtuar jetët njerëzve me varfëri të skajshme, skamje e mjerim, i terrorizuar nga shpërthimi i indinjatës së të dëshpëruarve që nuk kanë çfarë të humbin, Rama ka vendosur të kërcënojë qytetarët e thjeshtë e të ndershëm me përdhunën e policisë.

Kjo është e turpshme! Një qeveri që pretendon se po pret të hapë negociatat, kërkon të shtypë revoltën e të varfërve me kallashnikovë! Ky nuk mund të jetë një vend europian.

Edi Rama po dëshmon çdo ditë e më shumë se po ecën në rrugën e baballarëve të tij që e dhunuan dhe terrorizuan këtë popull për 50 vjet. Tashmë është e qartë se çdo ditë që ai qendron në pushtet është një hap më pranë katastrofës së pakthyeshme. Ky pushtet po bëhet i rrezikshëm ndaj duhet ndalur.





Lajmet e fundit nga