web counter
LEXO PA REKLAMA!

SHKARKO APP

App Store
Google Play

E fundit!

x

Dështimi i mosbindjes civile në Elbasan, si mesazh për Lulzim Bashën

5 Prill 2018, 13:45, Aktualitet CNA

Sot vetë aksioni opozitar i dha një mesazh të fortë Lulzim Bashës. Përtej faktit se u braktis dhe ngeli në disa qindra njerëz kudo, Elbasani ishte një ?shuplakë? e fortë për kreun e PD-së.

Megjithëse në Bradashesh të Elbasanit bllokimin do ta udhëhiqte Monika, aleatja kryesore e Bashës, sido që ti numërojmë njerëzit, aty ku ishte vetë kryetarja e LSI-së, nënkryetari i grupit parlamentar të PD, Edmond Spaho, udhëheqësi i madh Ervin Salianji, liderja absolute Valentina Duka, i ndershmi Edmond Haxhinasto, profesor Panariti e shumë të tjerë, në Elbasan kishte më pak njerëz se kudo tjetër, megjithëse ai aks ka një popullsi në dy qarqe prej afërsisht 800-900 mijë banorë.

Aty ku ka kandiduar Monika Kryemadhi dhe ka siguruar dy mandate, aty ku në vitin 2009 udhëhiqte Lulzim Basha listen e PD-së dhe e konsideronte si bastionin e tij, mosbindja civile kishte minimumin e pjesëmarrjes në të gjitha akset që bllokoi për gati dy orë.

Aleanca e Bashës me Monikën u rrëzua në Elbasan dhe e rrëzuan demokratët e Korçës, Devollit, Elbasanit, Pogradecit, Librazhdit, Përrenjasit, Kolonjës, Mokrës apo vetë Bradasheshit.

Aq sa njerëz kishte Monika me Spahon e kompani nga pas, Berisha i mblidhte kur shkonte në takime me banorë të Bradasheshit se po të dilte të bllokonte rrugët me banorët e dy qarqeve atëherë do të shihej mosbindje civile. Kjo e sotmja në Elbasan ishte një mesazh për Lulzim Bashën. Edhe aq sa protestues u mblodhen në Elbasan, shumica ishin simpatizanë të LSI-së dhe jo të PD-së.

Edi Rama ka një urrejtje popullore, por sa ju shfaqet Lulzim Basha dhe Monika përballë njerëzve, ata ikin dhe braktisin çdo lëvizje.

Mesazhi i Elbasanit është i qartë, Lulit nuk i beson më askush. Së pari duhet të heqë Monikën dhe nëse ka një pikë respekti për Partinë Demokratike duhet të japë dorëheqjen dhe të largohet./ CNA.al





Lajmet e fundit nga