web counter
LEXO PA REKLAMA!

SHKARKO APP

App Store
Google Play

Kapen mbi gjysmë ton mish i prishur

5 Prill 2018, 16:48, Aktualitet CNA

Një tjetër sasi e konsiderueshme mishi i prishur është kapur nga ana e Inspektoratit Komunal në bashkëpunim me Policinë, sasi e cila më pas është konfiskuar,

Sipas raportimit të bërë nga “Insajder”, bëhet fjalë për afro gjysmë toni mish dhe nënprodukte të tij të prishuram të cilat janë kapur sot në territorin e Ferizajt.

Ka qenë Policia e Kosovës e cila kishte njoftuar Inspektoratin Komunal për një transportues të dyshimtë njoftim që rezultoi i vërtetë.

?Paraditen e sotme, Policia e Kosovës, ka njoftuar drejtuesit e Inspektoratit Komunal për një mjet transportues i cili po barte mish dhe nënprodukte të mishit të dyshimta, me ç ?rast inspektorët e veterinarisë dhe sanitar kanë dal menjëherë në vend të ngjarjes nga ku pas kontrollit të cilësisë së produktit që po bartej me këtë mjet transportues, kanë konstatuar se një sasi prej afro gjysmë toni mish dhe nënprodukte të tij janë të prishura, kjo për faktin se mjeti me të cilin po transportohej kjo sasi mishi nuk përmbushte kushtet e nevojshme higjieno-sanitare për ruajtjen e freskët të mishit dhe nënprodukteve të tij. Pas ekzaminimit të produkteve, inspektorët përkatës kanë ndërmarr të gjitha veprimet e nevojshme për konfiskimin dhe asgjësimin e tyre dhe procedimin e mëtutjeshëm konform rregullativës ligjore në fuqi?, thuhet në njoftimin e Komunës së Ferizajt.

Kujtojmë se një skandal i muajve më parë, po me sasi të konsiderueshme mishi të prishur të ardhur nga Belgjika, ka prekur edhe Kosovën. Eksportuese të u përmend se ishin dy kompanitë kosovare që kishin eksportuar mish të prishur nga kompania belge ?Veviba.





Lajmet e fundit nga