E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Dako sfidon “Intifadën” opozitare me investime arabe miliarda dollarëshe në Spitallë

5 Prill 2018, 15:57, Aktualitet CNA

Ndërsa PD+LSI bllokonin me militantë dhe goma të djegura makinash kryqëzimet më strategjike të rrugëve kombëtare, kryebashkiaku durrsak Dako priste në Sallën e Mbledhjeve të Këshillit Bashkiak një delegacion të nivelit të lartë të një grupi sheikësh investitorë arabë. Delegacioni i investitorëve arabë kishte në përbërje biznesmenë të tillë si: Elham Abu Al Hassan Fateh Ali Ebrahim apo edhe Talal A.A. Abu Mayha shoqërohej nga ambasadori palestinez në Tiranë SH.T. Yasser al Najjar. Në delegacion merrnin pjesë edhe biznesmenë nga Jemani (aktualisht i përfshirë në luftë civile), nga Rripi i Gazës dhe nga territoret e qeverisura nga Autoriteti palestinez në bregun Lundor të Lumit Jordan.

Për durrsakët dhe për gjithë shqiptarët investitorët e ardhshëm arabë sollën një lajm sa të madh aq edhe të mirë. Kompania e tyre e quajtur ?Albania Free Zone? me seli në Lagjen 17, Rrugën Glaukia në Durrës në ambientet e Tregut Industrial do të tërheqë investime prej disa miliardë dollarësh në zonën e Spitallës (Bashkia Durrës), ku Qeveria Rama prej vitesh parashikon të ndërtojë një park industrial. Në këtë kontekst i kujtojmë lexuesit investitorët kinezë dhe lobimin e z. Olsi Rama, që 2 kompanitë kineze të investonin në këtë park në Spitallë.

Dy biznesmenët e shquar arabë nga Emiratet e Bashkuara Arabe kanë përvojë të gjerë biznesi në Ballkan. Ata prej prillit 2015 kanë dy kompani në Serbi. Kompanitë rezultojnë shumë të sukseshme në Serbi. Ato quhen ?Barakat Palace Group DOO? Kragujevac në adresën Ulica Pozorisna18 Kragujevac 34000 si edhe ?Gate of Europe for Investing and Consulting? në të njejtën adresë. Për më shumë mund të konsultohet linku: http://www.companyëall.rs/firma/barakat-palace-group-doo/2367813

Tre vjet më parë në 20 prill 2015 investitori Elham Abu Al Hassan Fateh Ali Ebrahim nënshkruan me kryebashkiakune Kragujevacit në Serbi z. Radomir Nikolic të njejtën tip marrëveshje, që nënshkruan me kryebashkiakun durrsak Dako më 5 prill 2018. Pas nënshkrimit të marrëveshjes dy biznesmenët arabë dhe shpura e tyre shoqëruese pati një takim pune edhe me Presidentin e Serbisë Tomisllav Nikolic.Pas nënshkrimit të marrëveshjes me kryebashkiakun Dako dy biznesmenët arabë do të takohen edhe me kryemoinsitrin Edvin Rama dhe me Presidentin e Republikës Sh.T. Ilir Meta. Për më shumë mund të konsultohet linku: https://www.kragujevac.rs/Promotion_of_Kragujevac_to_International_Investors-125-2-8024

Biznesmenët arabë premtuan në prani të të gjithë të pranishmëve në ceremoninë e nënshkrimit, që ata do të sjellin në Durës e vecanërisht në Spitallë, disa miliardë dollarë investime nga biznesi arab e jo vetëm. Ndërsa opozita PD+LSI fillon mosbindjen civileme djegie gomash makine, kryebashkiaku durrsak Dako nga Kragujevaci i Serbisë sjell në Durrës investitorë arabë, që premtojnë të tërheqin miliarda dollarë investime. /GJERGJ THANASI/CNA.al