web counter
LEXO PA REKLAMA!

SHKARKO APP

App Store
Google Play

Gazeta amerikane "The Washington Post" komenton bllokimin e rrugëve nga opozita

5 Prill 2018, 16:49, Aktualitet CNA

Përveç mediave vëndase dhe atyre të rajonit, vijimi i protestës së sotme të opozitës të prirë nga Partia, që drejton Lulzim Basha, me bllokimin e katër kryqëzimeve që lidhin rrugët kombëtare të veriut e jugut, ka gjetur vend edhe në mediat ndërkombëtare. Presticiozia amerikane “The Washington Post” i ka kushtuar  aksionit politike Basha-Kryemadhi një shkrim ku ndër të tjera komenton:

“Opozita ka bllokuar katër kryqëzime kryesore të Shqipërisë në një protestë anti-qeveritare duke e akuzuar atë për lidhje me krimin e organizuar dhe për rritjen e taksave e varfërisë.

Opozita e Partisë Demokratike bojkotoi seancën parlamentare të së enjtes për të nisur një fushatë të ?mosbindjes civile? duke bllokuar rrugët kryesore të vendit dhe duke i bërë thirrje popullit të mos paguajnë taksat në rritje.

Qindra mbështetës të opozitës u mblodhën në katër kryqëzime në të gjithë vendin, duke bllokuar trafikun dhe duke kërkuar dorëheqjen e kryeministrit Edi Rama. Policia tha se i konsideronte tubimet si të paligjshme pasi nuk mori asnjë kërkesë për t?i mbajtur ato.

Demokratët pësuan një humbje dërrmuese në votimin e vitit të kaluar, duke siguruar vetëm 43 vende në parlamentin me 140 vende. Shqipëria, një anëtare e NATO-s që nga viti 2009, iu dha statusi i kandidatit të BE në vitin 2014 dhe shpreson të nisë negociatat këtë vit”./CNA.al





Lajmet e fundit nga