web counter
LEXO PA REKLAMA!

SHKARKO APP

App Store
Google Play

Qeveria Rama do të mbahet mënd si hasmi i të varfërve

3 Prill 2018, 20:06, Aktualitet CNA

“Kush janë barbarët e Kukësit dhe kush janë qyetetarët e qeverisë?” Është tema që po trajtohet në emsionin “360 gradë” dhe që ka qendër revoltën e kuksianëve, etiketimet aspak të denja të Kryeministrit në adresë të tyre, por edhe sjelljen në tërësi të qeverisë Rama 2.

Midis të tjerëve, pjesëmarrës në këtë emision është edhe avokati Genc Gjokutaj, sipas të cilit arrestimet e banorëve të Kukësit gjatë natës janë bërë në shkelje nga ana e Prokurorisë.

“Vetëgjyqësia është kur një shtetas të drejtën që ai gëzon e zgjidh personalisht dhe nuk i drejtohet shtetit. Këta njerëz nuk i janë drejtuar shtetit sepse shteti është fajtori i gjithë kësaj shkeljeje. Njerëzit e kanë zgjedhur vetë. Prokuroria ka vepruar në shkelje flagrante, pasi si kontrolli i banesës, si arrestimi i personave që u dihet vendi, arrestimi nuk lejohet të bëhet natën. Ata janë familjarë, kanë fëmijë. Ky është një terror që nuk mund të lejohet në asnjë mënyrë. Këto janë metoda që vetëm e agravojnë situatën.

Kjo punë bëhet sepse kanë frikë se do ua nxjerrin njerëzit nga gjykata  jo se nuk kanë salla. Ç’punë ka t’i sjellësh nga Kukësi në Tiranë. Këtu ka RENEA-n. Në Tiranë është shumatore.

Kjo qeveri do të mbahet mend si hasmi i të varfërve. Modeli ekonomik është i gabuar. Nuk mund të zgjidhet kjo punë me represion”, ka thenë Gjokutaj./ CNA.al.





Lajmet e fundit nga