web counter
LEXO PA REKLAMA!

SHKARKO APP

App Store
Google Play

Ekskluzive/ LSI-së i ikin deputetët tek PS

3 Prill 2018, 18:51, Aktualitet CNA

Lëvizja Socialiste për Integrim po përballet me një stuhi largimesh nga radhët e këshilltarëve të saj në Këshillat bashkiakë. Por kjo nuk është i vetmi problem me të cilin po përballet Lëvizja Socialiste për Integrim.

CNA.al mëson se Lëvizjes Socialiste për Integrim, të drejtuar nga Monika Kryemadhi, pritet t’i largohen 3-4 deputetë dhe ashtu si Këshilltarët e saj, do t’i bashkohen Partisë Socialiste.

Një burim zyrtar nga Partia Socialiste, i tha CNA.al se pritet që së shpejti së paku 3-4 deputetë do të shkëputen nga gjiri i LSI-së dhe të kalojnë tek Partia Socialiste, e cila drejton e vetme qeverinë.

Me sa duket situata brenda LSI-së së Kryemadhit, nuk është ajo që duket, edhe pse ajo është e ashpër dhe e fortë në qëndrimet ndaj PS dhe është shprehur se nuk ka probleme të brendshme, pritet që së paku 3-4 deputetë t’i largohen.

Shenjat e para janë sot, ku njëri nga deputetë Robert Bitri, është shprehur në një intervistë se është kundër vendimit të përbashkët PD-LSI për mosbindjen civile dhe se nuk e njeh Bashën si kryetar. ?Lulzim Basha nuk është kryetar i partisë sime dhe nuk jam dakord për mosbindje civile?, – tha Bitri.

Burimi i tha CNA.al se nuk tha një datë të saktë, por theksoi se një gjë e tillë do të ndodhë së shpejti. /CNA.al





Lajmet e fundit nga