web counter
LEXO PA REKLAMA!

SHKARKO APP

App Store
Google Play

E fundit!

x

I përfshirë në skandalin e pronave në Shëngjin/ Reagon futbollisti i Vllaznisë

16 Mars 2018, 15:51, Aktualitet CNA

Pas skandalit me tjetërsimin e pronave në zonën e Shëngjinit në Lezhë, ku përfshihej edhe futbollisti i skuadrës shkodrane të Vllaznisë, ka reaguar edhe vetë ky i fundit.

Në një prononcim për Report TV, Renato Malota, shprehet se lajmin e ka mësuar nëpërmjet televizionit, ndërsa ka qenë duke u stërvitur në Shkodër.

Ai ka mohuar të jetë i përfshirë në këtë skandal dhe është shprehur se nuk ka njohje me personat e përfshirë. Ai është shprehur se tokën e ka trashëgim nga të parët e tij, ndërsa në pjesën ranore ka ndërtuar një lokal me leje provizore nga Bashkia.

?Unë në pjesën ranore kam ndërtuar një lokal me lejen e bashkisë, ndërsa pas pjesës ranore kam tokën të trashëguar nga të parët. Unë jam me origjinë nga vendi ku bëhet fjalë, aty kam tokën time, ndërsa po theksoj edhe njëherë që lokalin e kam ndërtuar në pjesën ranore me lejen e bashkisë.

Lajmin e mësova nga televizionet kur isha në stërvitje në Shkodër. Jam i habitur, mendoj që do të jetë bërë ndonjë ngatërresë, pasi nuk kam lidhje me atë që flitet. Aktualisht ndodhem në banesë në Tiranë, lajmi që jam në kërkim është i pavërtetë?, – shprehet Malota, ndërsa mohon njohjen me personat e përfshirë në skandal./CNA.al





Lajmet e fundit nga