web counter
LEXO PA REKLAMA!

SHKARKO APP

App Store
Google Play

E fundit!

x

Financimi rus i PD-së, rrezik për sigurinë kombëtare

10 Mars 2018, 14:45, Politikë CNA

Kryetari i Grupit Parlamentar të PS, Taulant Balla në një prononcim për mediat tha se është rrezik për sigurinë kombëtare financimi rus i partisë më të rëndësishme opozitare në vend dhe kërkoi që Basha të japë shpjegime para qytetarëve dhe para drejtësisë.

?Për ne, përbën një skandal të rëndë fakti që PD, kryetari i saj janë të përfshirë në një financim, jo vetëm të paligjshëm, por që dëmton rëndë sigurinë kombëtare, po të kemi parasysh dyshimet e thella dhe të rënda që kanë të bëjnë me një penetrim të financimeve ruse për një parti politike në Shqipëri.?- u shpreh Balla.

Sipas deputetit socialist, financimi i partive politike ka qenë një shqetësim i ngritur dhe nga BE dhe partnerët tanë, por fakti që partia më e rëndësishme në opozitë, Partia Demokratike, tashmë me fakte konkrete ka marrë financime ruse, ky është një akt tepër i rëndë.

Ndër të tjera, Balla tha se ?sa më shpejt Lulzim Basha dhe PD duhet të japin shpjegime, jo vetëm për publikun, por edhe para drejtësisë, sepse siç e thashë, prekin sigurinë kombëtare të Shqipërisë?.

Deklarata e Ballës u bë gjatë një takimi në Elbasan, ku mori pjesë në zgjedhjet për kryetarin e ri të PS të Bashkisë së Elbasanit, proces të cilin e konsideroi mjaft të rëndësishëm i cili i paraprin organizimit të përgjithshëm për zgjedhjet vendore të 2019./ CNA.al





Lajmet e fundit nga