Zhbllokohet Hipoteka e Elbasanit/ Drejtori i ri, firmos certifikatat e pronësisë nga koha e Shaban Memisë

6 Mars 2018, 19:28, Aktualitet CNA

Nga ARTUR AJAZI

Më në fund, ZRPP e Elbasanit është bërë me drejtor, më në fund ky institucion kaq i përgojuar nga qytetarët ka nisur të funksionojë si i tillë. Ardhja e drejtuesit të ri të Hipotekës së Elbasan (pas një periudhe intensive dhe të suksesshme tek ALUIZNI Korçë) zotit Marenglen Disha, duket se ka ?zgjuar? nga gjumi i thellë letargjik stafin e atij institucioni, duke nxjerrë nga sirtaret e pluhurosura dhe të ndryshkura, mijëra dosje që rrinin atje prej 7-8 vitesh pa u kapur me dorë. Burime nga ky institucion thanë se ?ka vite që ZRPP e Elbasanit nuk ka pasur drejtor, nuk ka pasur drejtues për ta motivuar stafin në punën e përditshme, për ta angazhuar stafin në hallet dhe problemet e qytetarëve, për ti bërë ata të përgjegjshëm për detyrimin që kanë ndaj qytetarit duke zbatuar ligjin?.

Ardhja e Marenglen Dishës, duke e emëruar drejtor të Hipotekës në Elbasan duket se është pritur me dashamirësi nga qytetarët elbasanas, të cilët e kishin pasur atë më parë drejtues të ALUIZNI-t, nga ku kanë zgjidhur çdo problem me pronat e tyre, për të cilat kishin vite që rropateshin zyrave dhe sekserëve. Ardhja e Marenglen Dishës në krye të Hipotekës së Elbasanit, i ka dhënë një frymëmarrje të re atij institucioni të mbytur nga burokracia, paaftësia, dhe korrupsioni. Prej 2 javësh zoti Disha i ardhur në atë detyrë, ka nisur të bëjë ?revolucion? mbi gjithçka, duke nisur nga vendosja e tabelat që emërtojnë dhe drejtojnë qytetarët tek ai institucion, e duke vazhduar me pajisjen e zyrave me logjistikën e nevojshme elektronike, për ti ardhur në ndihmë qytetarëve.

Ndryshe nga çfarë ishte situata 2 javë më parë, me sportele të mbushura plot, me qytetarë që thërrisnin dhe ulurinin duke sharë dhe akuzuar sportelistët për ?zvarritje të qëllimshme? pasi kishin vite e vite që nuk mbaronin hallin e tyre, sot atje gjithçka ka ndryshuar. Nuk ka shansin asnjë punonjës i Hipotekës të zvarrisë zgjidhjen e problemit të qytetareve më shumë se dy ditë, nuk ka shansin asnjë sportelist i asaj Hipoteke të ?humbë? formularin e aplikimit të qytetarit, pasi largohet urgjentisht nga puna, dhe shkon ndjekje penale. Vetë Marenglen Disha shumë modest dhe i rezervuar thotë për ?CityNews.al? se ?bëj vetëm detyrën ndaj qytetareve duke zbatuar vetëm ligjin, ndaj kam kërkuar dhe do të kërkoj maksimalisht ta bëjnë këtë edhe vartësit e mi, ndryshe do të përballen me masa administrative?.

Gjithçka në Hipotekën e Elbasanit, ka nisur të funksionojë normalisht, duke eliminuar radhët e gjata që kishin vite që ishin bërë tmerri qytetarëve, duke eliminuar zvarritjet e qëllimshme që kishin si synim zhvatjen e parave nga xhepat e qytetareve, dhe duke u zgjidhur atyre hallin dhe problemin disavjeçar , konform ligjit dhe brenda afateve të përcaktuara. Ndoshta ky është modeli i drejtuesit, dhe si ky duhet të jenë shumica e zyrtareve të këtij shteti, por ja që nuk ndodh të jetë kështu.