web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi kritika të forta kreut të PD/ Zbulon qëllimin e Bashës

6 Mars 2018, 09:57, Aktualitet CNA

Në një intervistë për gazetën ?Panorama?, ish-nënkryetari i PD, Astrit Patozi ka shprehur bindjen se kreu i PD, Lulzim Basha nuk e ka pasur asnjëherë ndërmend të reflektonte për humbjen dhe depresionin që ka shkaktuar në Partinë Demokratike.

Sipas tij, Bashës i është lënë mjaftueshëm kohë për të reflektuar, por projekti i tij ka qënë kthimi i PD në një biznes me një pronar të vetëm.

?Duke i lënë shumë më tepër kohë, sesa ka qenë e nevojshme, kemi dashur që të bindet edhe demokrati më skeptik, se gjithçka ka ndodhur në këto 5 vjet në Partinë Demokratike ka qenë një projekt i zi i Lulzim Bashës për ta kthyer atë nga një shoqëri që vlerësonte aksionet dhe kontributet e secilit, në një biznes privat me një pronar të vetëm.?-u shpreh Patozi.

Ndër të tjera, Patozi theksoi se është i bindur i madh e i vogël në Shqipëri, sepse fama i ka kaluar kufijtë e PD-së.

?Pavarësisht perceptimit gjerësisht të përhapur për vijimin e marrëveshjes së 18 majit, ne nuk kemi dashur që të dëmtojmë apo pengojmë Partinë Demokratike që të përfitojë nga skandalet apo aferat e mëdha të qeverisë, pas zgjedhjeve të 25 qershorit.?- tha ish-nënkryetari i PD, Astrit Patozi.

Sipas Patozit, për herë të parë në historinë e re të Shqipërisë ka ndodhur që qeveria të bjerë në pikiatë, ndërsa opozita të mos ngjitet as edhe një shkallë të vetme.

?Dhe ky është një tjetër rekord negativ i lidershipit të gabuar të Lulzim Bashës.?- deklaroi Patozi./ CNA.al





Lajmet e fundit nga