E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Pse PD s'ka asnjë deputet në Korçë

5 Mars 2018, 17:31, Aktualitet CNA

Në rast se ka një Qark ku Partia Demokratike nuk përfaqësohet, ai është Qarku i Korçës. PD ka katër emra fitues, por asnjë prej tyre nuk jeton në Korçë dhe secili ka të paktën një dekadë i larguar, të tjerë nuk e kanë parë zonën politikisht që kur kanë lindur, apo ndonjë tjetër që i përket të shkuarës komuniste.

Le ta fillojmë listën me radhë, me fakte dhe argumente konkrete.

Valentina Duka, e njohur në qytetin e Korçës edhe me nofkën “Vali Kalka”, është larguar nga qyteti rreth 40 vite më parë kur iku studente. Pasardhëse e një ish-familje komuniste që mori çdo benefit nga sistemi. U bashkua me PD-në pas viteve 90′, iku në vitet 97′ dhe u rikthye së fundi si deputete e Lulzim Bashës. Një mbështetëse e Genc Pollos që në 40 vitet e fundit ka më shumë ditë jashtë Shqipërie, ndoshta, sesa në Korçë ku është zgjedhur deputete.

Ervin Salianji, lindur në një fshat në zonat e thella të Komunës Gorë në Korçë. Djali i një ish-kryetari komune, që ka më shumë se 10 vite që jeton në Tiranë. Familjar i afërt i Ilir Metës. Nuk ka asnjë lidhje me traditën, qytetarinë korçare dhe vetë zonën ku e ka vendosur Lulzim Basha.

Hekuran Hoxhalli, ish-kryetari i PD-së DEvoll, u zhduk nga kKomuna e Mirasit nga ku ka dhe origjinën, në vitin 2005. Prej 13 vitesh, në Devoll nuk e kanë parë më shumë se 13 herë. 10 herë kundër PD-së në vitin 2013 dhe 3 herë pasi Basha e bëri depuet në 2017-ën. Është nga ata deputet që përflitet për lidhje të forta me familjen e Lulzim Bashës, kur ky i fundit drejtonte Bashkinë e Tiranës.

Klevis Balliu, djali i ish-gazetarit të Zërit të Popullit” dhe shërbëtorit të nomeklaturës Fahri Balliu, lindur më 23 gusht 1989 në Tiranë, me origjinë nga Mokra prej babait, se vetë për herë të parë e pa kur Lulzim Basha e zgjodhi deputet. Ashtu si edhe Salianji, me Klevisin nuk ia vlen as të merresh. Mjafton të flasin sa më shumë, të dalin sa më shumë në media dhe të gjithë e kuptojnë, se kush janë produktet e Lulit, me apo pa pagesë.

Këta janë 4 deputetët, që fatkeqësisht, përfaqësojnë qytetarinë korçare, patriotizmin e kolonjarëve, devollinjtë punëtorë dhe pogradecarët me shpirt poetik. Të gjithë kanë një të përbashkët. Shkuan në zonat e tyre dhe morën gati 20 mijë vota më pak se 4 vite më parë dhe përgjegjësinë e kanë të katërt.

Asnjëri prej tyre nuk jeton në zonën ku është zgjedhur. Shkojnë në ndonjë fundjavë. Tre burrat e listës, i gjen të dehur në shtëpitë e demokratëve, që jo vetëm duhet t’i mbajnë në kurriz si humbës dhe turpërues, por edhe duhet tu mbushin brinjët qesharakëve që përfaqësojnë Lulin në Parlament. E këta deputetë që nuk jetojnë në zonat ku janë zgjedhur, fitojnë gati 400 milionë lekë në një mandat, pa llogaritur milionat e tjera që konsumojnë nga zgjedhësit e demokratët, duke i shërbyer një kaste të humbur, të dështuar e të pavlerë. Por në fund ata që e vuajnë, janë korçarët, kolonjarët, devollinjtë dhe pogradecarët, të cilët janë të papërfaqësuar.

Ata fatkeqësisht kanë zgjedhur deputetë “part time”, që jetojnë në tiranë dhe shkojnë, hanë pinë e zhgërryhen, kur zbarkojnë si triumfatorë në zonat e tyre elektorale. Demokratët vazhdojnë të vuajnë njësoj, deputetë e Lulit që kanë humbur lidhjet dhe prej vitesh, shijojnë jetën në metropol dhe mbushin xhepat me taksat e tyre dhe brinjët nuk i ngopin po nuk zbrazën çanakët e demokratëve të varfër.

PD në Qarkun e Korçës, ka 4 deputetë që nuk përfaqësojnë dot as veten e tyre, me turpet dhe skandalet që i ndjekin nga pas, e jo më demokratët dhe hallet e opozitës. /CNA.al