web counter
LEXO PA REKLAMA!

SHKARKO APP

App Store
Google Play

A mund ta bashkojë Tritan Shehu PD-në ?!

5 Mars 2018, 10:48, Aktualitet CNA

Mesa duket dhe nga qëndrimet e shpeshta publike, Tritan Shehu po merr një rol kyç në drejtimin e PD-së. Njeriu që drejtoi PD-në dhe e çoi në faliment, ditën kur iku nga kryetar nuk la asnjë dollar në arkën e Partisë Demokratike dhe mori me vete edhe preshin që i dhanë dhuratë në Lushnje.

Çfarë nuk shpiku dhe çfarë nuk trilloi për PD-në që e kishte bërë ministër dhe zv.kryeministër. Iku si vegël politike e Genc Pollos dhe u rikthye në PD duke lëpirë atë që kishte pështyrë.

Së fundi, Tritan Shehu doli me qëndrim për çështjen e ndarjes së ujërave territoriale me Greqinë. Megjithëse një deputet i thjeshtë, ushtari i Genc Pollos, qëndrimin e tij personal e artikuloi në publik si qëndrim zyrtar të PD-së.

Nga dje, Tritani flet për hapjen dhe bashkimin e PD-së. Dhe kush? Vegla përçarëse më e madhe në historinë e Partisë Demokratike.

“Për të gjithë ka vend, aty ku ka nevojë partia?- thotë Tritan Shehu.

Po, kjo është e vërtetë, por PD është në një situatë katastrofike se ka rikthyer në elitë Tritan Shehun, ka një grup parlamentar të mbushur me kllouna, sharlatanë dhe perversë. “Drejtorucat” e korruptuar të ministrive të Bashës apo ata që janë futur në listë duke paguar qindra-mijëra euro.

Në fakt që PD të bashkohet shpejt, njerëz si Tritan Shehu dhe ata që thamë më lart, duhet të shkojnë me shpejtësi në fund të gardhit. Askush nuk i do, askush nuk i mbështet.

Rraca e Dritan Shehut dhe pjesës më të madhe të grupit parlamentar të Lulit nuk i intereson kurrsesi një PD e bashkuar. Ajo do ti nxirrte të gjithë ata në fund të rrjeshtit. Kjo situatë le ti shërbejë si leksion edhe vetë Lulzim Bashës, për të kuptuar se çfarë llumi ka gatuar në grupin e tij parlamentar./ CNA.al





Lajmet e fundit nga