web counter
LEXO PA REKLAMA!

SHKARKO APP

App Store
Google Play

E fundit!

x

Patozi e Bode në Korçë/ Salianji tallet me demokratët: Ata pinë raki

5 Mars 2018, 18:27, Aktualitet CNA

Sot deputeti i Lulit, i filmuar disa javë më parë duke shkëmbyer mesazhe perverse, ka reaguar ndaj takimeve që ish-nënkryetari i PD-së dhe ish-Sekretari i Përgjithshëm, Astrit Patozi dhe Ridvan Bode, kanë zhvilluar me demokratët në zonën e Korçës.

Salianji i mesazheve me GD-në, me gjuhën e tij të neveritshme dhe të pështirë, dukej më shumë sesa pervers, megjithëse ishte një mëngjes në Parlament. Nuk dihet nëse ishte në avujt e alkoolit, drogës, apo ndonjë efekti tjetër që fliste me atë gjuhë banale disa javë më parë.

Sot deputeti i mesazheve perverse i Lulzim Bashës, ironizoi dhe u tall me demokratët korçarë, të cilët shumica janë anëtar kryesie, drejtues seksionesh dhe grupseksionesh, të cilët në fundjavë zhvilluan një takim me dy ish-drejtuesit e Partisë Demokratike, Astrit Patozi dhe Ridvan Bode.

Zakonisht burrat në Korçë e pinë rakinë, e mbajnë dhe fjalën, nuk merren me mesazhe perverse dhe ata persona që ishin në takim, ishin qytetarë dhe intelektualë të nderuar, të cilët dëgjojnë dhe diskutojnë për problemet e opozitës, e cila turpsisht përfaqësohen nga deputetë si Ervin Salianji, që fundjavat i kalojnë në Tiranë, Evropë, apo në vendet e perëndimit, dhe si një hipokrit, turpsisht fyen demokratët korçarë, qofshin 70 apo shtatë, qoftë edhe një i vetëm, ata janë burra dhe gra të nderuar korçarë. Të paktën nuk janë perversë dhe të turpshëm për opinionin publik.

Më mirë një gotë raki me miq dhe demokratë të ndershëm duke diskutuar hallet dhe problemet tek Maloja, sesa viza me pluhur të bardhë si ndonjë politikan në grupin e PD-së.

Më mirë një gotë raki me miq dhe demokratë që duan të luftojnë Edi Ramën, sesa mesazhet perverse dhe shërbimet e neveritshme të klientelës së Henri Çilit.

Më mirë një gotë raki me demokratët në Korçë, Devoll, Pogradec e  kudo, sesa të ulesh në prehrin e Edi Ramës dhe të marrësh 16 milionë euro nga taksat e shqiptarëve. Një gotë raki mes burrave dhe demokratëve të vërtetë, vlen më shumë se ndonjë tryezë lolosh dhe sharlatanësh politikë që nuk i duhen as dreqit. Për këtë s’ka nevojë të vëmë emra kush janë, përgjigjen e dhanë shqiptarët dhe po e tregojnë çdo ditë demokratët me gjendjen ku ndodhet Partia Demokratike dhe ku e katandisi Lulzim Basha me listën plot e përplot me perversë qesharakë, me deputetë që zhgërryhen rrugëve të Evropës dhe sulmojnë demokratët, pse mblidhen dhe diskutojnë për hallet e tyre.

Me opozitë nga Holanda, Italia, Gjermania e Greqia, duke braktisur palcën e Partisë Demokratike, duke e fyer dhe sulmuar atë, Lulzim Basha e ka të sigurt të ardhmen e tij. Atë të ardhme që po e shohim dhe prekim çdo ditë, shitjen tek Edi Rama, mbushjen e xhepave dhe më pas në mënyrë të turpshme, iu rezervon demokratëve edhe fyerjet që vijnë nga deputetë të filmuar me mesazhe perverse. /CNA.al





Lajmet e fundit nga