web counter
LEXO PA REKLAMA!

SHKARKO APP

App Store
Google Play

“Spiuni” në Komisionin e Sigurisë/ Xhaçka: Hakmarrje ndaj Meçollarit

6 Mars 2018, 09:50, Aktualitet CNA

Po zhvillohet në Komisionin e Sigurisë seanca dëgjimore me ministren e Mbrojtjes Xhaçka, shefin e shtabit Bardhyl Kollçaku dhe drejtorin e Agjencisë së Inteligjencës së Mbrojtjes Bardhyl Nuredini.

Ministrja me dy zyrtarët e lartë janë thirrur për të raportuar mbi procedurën e ndjekur për propozimin e Artur Meçollarit pjesë e grupit negociator me Greqinë për kufirin detar.

Ish kryeministri  Sali Berisha dhe më gjërë opozita e kanë akuzuar Meçollarin si spiun.

Por sipas Ministres Olta Xhaçka, Meçollari është njëri me integritet dhe është larguar me urdhër politik nga puna, pasi kishte prekur interesat e politikës.

?Çështja e delimitimit të hapësirave kombëtare është një çështje delikate. Në vitin 2012, Meçollari është larguar padrejtësisht nga FA, sepse nuk pranoi të firmoste për heqjen e disa bazave detare. Ishte një hakmarrje personale dhe nuk kishte të bënte me detyrën e tij.  Në vitin 2012 me dokumente kompromentuese, baza e Kepit të Palit u degradua qëllimisht për interesa private. Ai nuk ka punuar kundër interesave të vendit?, ka thënë Xhaçka para komisionit,  ndërsa ka shtuar se në të njëjtin vit, hakmarrja  ka nisur jo vetëm ndaj Meçollarit, por ndaj gjithë zinxhirit të komandimit të forcave detare.

Më tej Xhaçka, është ndalur tek procesi i përgjimit ndaj Meçollarit, e cila sipas saj ka rezultuar një flluskë sapuni.

?Procesi i përgjimit ndaj tij ishte një flluskë sapuni, mirëpo përgjimi nuk u ndal edhe kur në tabulatet telefonike dilnin emrat e punonjësëe të ambasadave të NATO ?s?, ka thënë Xhaçka.

Sipas saj, oficeri që ka prishur gjumin e opozitës edhe sot, është kthyer në detyrë me vendim të gjykatës

?Kjo është një përpjekje për të bërë pis një proces që po zhvillohet në përputhje me ligjin?, ka shtuar më tej ministrja, duke iu referuar negociatave me Greqinë./CNA.al





Lajmet e fundit nga