E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Mos qeshni me Lulin kur flet për forumet!

6 Mars 2018, 19:00, Aktualitet CNA

Kryetari i Partisë Demokratike, Lulzim Basha sot në një dalje për mediet, është kujtuar pas gati 6 muajsh të flasë për problematikën e brendshme, propozimet për ndryshimet statutore që janë bërë në dy drejtime, në muajin shtator dhe në muajin nëntor.

Basha tha se, “Unë i di shumë mirë përgjegjësitë e mia dhe unë besoj se çdo demokrat nuk pret që proçesi i bashkimit të partisë do të jetë një proçes negociatash personale të kryetarit, por të jetë krijimi i një hapësire, ku çdokush që ndan këto vlera dhe që është gati të kontribuojë, pavarësisht nëse ka 27 vite që kontribuon, apo do të vijë sot në këtë parti popullore, që i bashkon liria, demokracia dhe Shqipëria, si gjithë Europa, të ketë mundësi që zëri i tij apo i saj të dëgjohet. Unë vetë e kam shpallur vizionin tim dhe vizioni im është që kjo është një parti e anëtarëve, jo i kryetarit, as e nënkryetarëve, as e drejtuesve, as e ish-drejtuesve, kjo është një parti e anëtarëve dhe kemi punë për të bërë që të kthehet vendimmarrja plotësisht tek anëtarët. Ky është qëllimi im, është propozimi im, që unë, sikundër çdokush tjetër që ka propozime, do t?ja parashtroj forumit vendimmarrës për ndërtimin, për organizimin e Partisë Demokratike, që është Kuvendi i Partisë Demokratike. Dhe të njëjtën ftesë kam pa asnjë paragjykim.”

Meqë Luli ka përmendur forumet si institucione të rëndësishme të partisë, ka disa detaje që e nxjerrin gënjeshtar, të pabesueshëm dhe krejtësisht infantil, Lulin, kryetarin ilegjitim të Partisë Demokratike. Pas 6 muajsh Basha kthen përgjigje për propozimet për ndryshimet statutore apo për negociatat me kritikët e tij. Ka po 6 muaj që Lulzim Basha nuk mbledh Kryesinë e PD-së, kaq shumë respekt ka ai për forumet e partisë.

6 muaj më parë, minimalisht mund të kishte ngritur një komision apo një grup pune që të trajtonte propozimet, por heshti. Kërkoi të kalojë gjithçka në heshtje si çdo skandal tjetër që ndodh në PD.

Sot kur disa rryma po lëvizin brenda Partisë Demokratike dhe duket se Basha po merr kostot e ndarjes së partisë, njeriu që u mbyll në zyrë dhe nxori një listë kandidatësh për deputetë korruptive, perverse, si pasojë e pazarit të tij me Ramën, flet për forumet e partisë. Ku ishin forumet e Partisë Demokratike? Pse nuk i thirri Basha kur përgatiti listën për zgjedhje?

Në 5 vite, Luli, Kryesinë e thërriste pasi merrte vendimet dhe gjithçka e bënte fakt të kryer.

Këshillin Kombëtar, në 4 vite nuk e thirri asnjëherë.

Njeriu që flet për forumet e partisë, që nuk mbledh Kryesinë, nuk mbledh Këshillin Kombëtar, nuk ka thirrur kurrë Kuvendin, le të shkojë pak në kohë ku 1 vit e gjysmë më parë i kërkohej të mblidhte Këshillin Kombëtar, gjë që nuk e bëri kurrë, vetëm pse atë ia kërkoi Majlinda Bregu.

Njeriu që shkeli me këmbë çdo forum, që përdhosi çdo vlerë institucionale të PD, që manipuloi dhe vodhi votat e demokratëve, që i shiti ata tek Edi Rama, njeriu që nuk pyeti kurrë për Kryesinë Këshillin Kombëtar, Kuvendin, që shpartalloi strukturat e PD në bazë, që Sekretariatin e Partisë e trajtoi si të ishin shoferët e tij; njeriu që forumet e PD i trajtoi si leckë për të fshirë çimenton, sot del e flet në emër të tyre.

Megjithëse për Bashën dhe sërën e tij turpi mund të hahet edhe me bukë, çudia më e madhe 3 ditë zgjat. Mos qeshni me Lulin kur flet për forumet! /CNA.al