E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Një zemër e madhe shqiptari, hap shtëpinë për të pastrehët në Itali

6 Mars 2018, 13:11, Sociale CNA

Nga Ornela Hila

Arijon Abdyli: Në këto ditë të ftohta, mendova për kë s?ka një vend ku të rrijë

Ka qenë në qendër të kronikave e shkrimeve në mediat lokale në Ravena, Itali, shqiptari Arijon Abdyli. Një gjest human, që nuk ka kaluar pa u vënë re në shtetin fqinj, kur prej dy dekadash jeton 48 vjecari.

Abdyli ka bërë shtëpinë e tij strehëz për të pastrehë, e ka nisur nga vetja, duke parashtruar kështu vizionin e tij për një botë më të mirë, më solidale.

Duke folur për të përditshmen ?Corriere di Romagna?, Arijoni bën me dije inizitivën, lindur teksa pinte një caj të ngrohtë me të birin 11 vjecar, ndërsa Ravena, dhe e gjithë Italia ishin pushtuar nga dëbora, ?Mendova për ata që me gjithë të ftohtin e madh, s?kishin një vend ku të shkonin e ndjeva nevojën për të bërë dicka?, – ka thënë ai për gazetën italiane.

Arijoni tregon se trokiti në shumë dyer, për të shprehur gadishmërinë e tij dhe pikërisht të enjten një nga kishat e qytetit e kontaktoi për t?i vënë në dijeni se Livia, dikur kujdestare për të moshurit, kish humbur punën pasi ish prekur nga një bronshit, e kishte ngelur pa një strehë mbi kokë.

Pa u menduar dy herë shqiptari e mori në shtëpi, duke i siguruar strehë, ushqim e mjekim, e tashmë po interesohet për sistemin e saj në një punë të re.

Një ndihmë e pakushtëzuar, shkruan ?Corriere di Romagna?, duke cituar më tej edhe deklaratën e 48 vjecarit shqiptar: ?Është kjo një mënyrë pëer të dëshmuar se edhe individualisht mund të bëjmë të mira ndaj të tjerëve. Një hap i vogël, i një personi të vetëm, e dëshiroj të jetë edhe një përgjigje ndaj terrorrizmit mediatik kundër të huajve, – u shpreh Arijon Abdyli, – nuk besoj se është e drejtë të diskutohet, si shpesh ndodh, se kush duhet të ndihmohet i pari, e kush më pas, mbi të gjitha ky disktutim është i kotë, kur gjendesh përballë personave në vështirësi.?, – tha ai.

Por nuk është hera e parë që Arijon Abdyli, ndërmer iniciativa që përfshijnë shtresat në nevojë, falë edhe angazhimit të tij prej kohësh në shoqërinë civile në Romagna, Itali, si kryetar e anëtar i Shoqatës ?Nenë Tereza?, por edhe si një prej koordinatorëve të ?Ravenna Solidale?, një grup shoqatash që ndër vite kanë ndërmarrë iniziativa të shumta për të huajt në rajonin e Emilia Romanjës e më gjerë në mbarë Italinë.