12 vjet pa parë të birin, përballet me vjehrrin e vjehrrën

4 Mars 2018, 14:03, Lifestyle CNA

Enver Mija ka 12 vjet që s?e ka parë të birin. Ai është ndarë shumë vite më parë me bashkëshortën e tij dhe sipas tij, shkaku ka qenë vjehrra e tij Havajke, të cilën e kishte ftuar në program bashkë me ish-vjehrrin.

?Hodha poshtë prindërit e mi dhe erdha me shtëpi në Tiranë vetëm ngaqë e kërkonte vjehrra?, tregon ai duke u kthyer pas në kohë ndërsa tregonte historinë e tij. Sipas tij, në ndarjen nuk kishte faj as bashkëshortja, por e ëma e saj e cila ndërhynte dhe nuk tregonte respekt ndaj Enverit. ?Punoja në ndërtim gjithë ditën, kthehesha në shtëpi dhe nuk kisha ç?të haja?, tha ai ndërkohë që prinërit e bashkëshortes ishin zhvendosur tek shtëpia e tij pa e pyetur dhe pa i marrë leje atij. ?Përveç kësaj fliste dhe për mamanë dhe motrat e mia dhe më erdhi aty ku s?mbante më?, tregon ai ndaj mori dhe vendimin për t?u larguar nga shtëpia.

Në atë kohë bashkëshortja ishte vetëm 17 vjeç e gjysëm dhe djali as 2 vjec. ?Iu luta 6 muaj që nusja të kthehej, dërgova xhaxhain tim por ajo s?pranoi?, kujton Enveri duke thënë se pas disa vitesh emigrimi në Greqi vendosi të ndahej përfundimisht në gjykatë. Gjykata vendosi që djalin ta mbante e ëma dhe që një herë në javë, një në dy festa zyrtare dhe për pushime në gusht ta mbante ai. Por Enveri thotë se vjehrra e ka penguar dhe vendimin e gjykatës. Pavarësisht përpjekjeve të tij për të takuar të birin ai s?ia ka arritur asnjëherë. ?Hera e fundit ishte një vit më parë kur shkova tek shkolla dhe s?më lanë ta takoj, madje kur u ktheva më kërcënuan me jetë?, tregon Enveri. Ndaj ai vendosi të thërrasë tek ?Ka një mesazh për ty? të gjithë familjen. ?Nëse ata nuk vijnë të paktën shpresoj të takoj vjehrrin për të cilin kam shumë respekt?, me shpresën se ai do ta sqarojë dhe do ta kuptojë si baba.

Në fakt Ismaili jo vetëm që ka pranuar, por ka ardhur bashkë me bashkëshorten e tij Havajke. Sapo e panë nga ana tjetër e murit ata thanë se nuk kishin të bënin me të. ?Ku ke qenë 12 vjet. Tani që u rrit do ta takosh djalin?, iu drejtuan ata Enverit duke treguar se dhëndrri i tyre nuk ishte bërë i gjallë për t?I dhënë të birit as një karamele, jo më detyrimet që I kishte vendosur gjykata. Sipas Havajkes, historia që kishte treguar Enveri nuk ishte e vërtetë. Ajo tregoi se ishin detyruar të vinin në Tiranë tek shtëpia e tij për ta ndihmuar ekonomikisht dhe se ai s?punonte. ?Punonte burri im në Durrës, ndersa ai nuk dihej nga sillej që në mëngjes e deri natën vonë nëpër Tiranë?, tregoi Havajka. Sipas saj, dhëndrri shpeshherë lavdërohej para të bijës të cilën e kishte marrë për nuse 15 vjeç. ?Të lë ty dhe marr një 12 vjeçare i thoshte vajzës sime?, tregoi Havajka duke shtuar se nipin e kishin rritur me shumë sakrifica dhe se vajza e saj ka sakrifikuar jetën e saj pas të birit. ?Shoqet e saj ende s?janë martuar, ndërsa ime bijë lidhi këmbët me djalin?, tregon Havajka.

Gjyshërit që në fillim pohuan se tashmë djali ishte rritur dhe se ky vendim i përkiste atij. Sipas tyre vetë djali nuk pranon ta takojë të atin, ndërsa Enveri pretendon se djali imponohet nga vjehrra. ?Kur shkove në shkollë, ne ishim aty? Ne nuk e lejuam? Vetë djali nuk ka pranuar?, tregoi Havajka duke thënë se tashmë ky vendim i takonte vetëm nipit. Ata u larguan nga studio pa e takuar ish dhëndrrin i cili dha një mesazh për të birin në distancë./CNA