web counter
LEXO PA REKLAMA!

SHKARKO APP

App Store
Google Play

E fundit!

x

Përfitoi 2 milionë euro nëpërmjet mashtrimit/ Arrest me burg për Olesia Dukën, i sekuestrohet pasuria

27 Shkurt 2018, 16:22, Kronika CNA

Policia ka vijuar operacioni  ?ZIRKON?, nga i cili iu vendos sekuetro  katër apartamenteve në Tiranë e Durrës, si dhe një klinikë dentare në Tiranë, në pronësi të shtetases Olesia Duka, 38 vjeç, lindur dhe banuese në Tiranë, pasuri të dyshimta dhe që nuk justifikohen me burime të ligjshme.

Ndërkohë vijon puna për kryerjen e hetimeve financiare e pasurore, për identifikimin e bashkëpunëtorëve të mundshëm të kësaj shtetaseje dhe gjetjen me qëllim sekuestrimi, konfiskimi dhe rikuperimi tek shtetasit e mashtruar të përfitimeve nga ky aktivitet kriminal.

Policia bën me dije se nga informacionet e marra rezulton se shtetasja O.D, ka mashtruar disa persona në Tiranë, Durrës, etj, duke përfituar një vlerë përafërsisht rreth 2 milionë euro, informacione që shërbyen si indicie për regjistrimin e procedimit penal, proaktiv të vitit 2017.

Shtetasja Olesia Duka ka përdorur rrjetet sociale për krijimin e një statusi të rremë me qëllim vjedhjen e pasurisë nga shtetas të ndryshëm duke u paraqitur si grosiste dhe zotëruese e parë e tregut të lëndës ?Zirkon? për shërbime stomatologjike dhe nëpërmjet shpërdorimit të besimit dhe gënjeshtrës, përfitonte nga biznesmenë të kësaj fushe sasira parash me premtimin për t’ju dërguar lëndën e parë me çmim shumice favorizues, mall të cilën nuk jua dërgonte.

Ndaj shtetases Olesia Duka, 38 vjeç, lindur dhe banuese në Tiranë, Gjykata e Shkallës së Parë, Durrës, ka caktuar masën e sigurisë ?Arrest me burg?, për veprën penale të ?Mashtrimit?, ndërsa vijon ende puna për zbardhjen e plotë të ngjarjes. /CNA.al





Lajmet e fundit nga