Policia dhe Prokuroria bëjnë përgatitjet e fundit për arrestimet “VIP”

27 Shkurt 2018, 09:38, Kronika CNA

Prokuroria dhe policia po bëjnë përgatitjet e fundit përpara se të nisin luftën ndaj krimit dhe korrupsionit. Teksa u mor mbështetje nga SHBA dhe Gjermania, tani një ndihmë të madhe do të japë dhe Antimafia italiane.

?Kjo për faktin se ditën e djeshme ka ardhur në Tiranë Prokurori i Antimafias italiane, Federico Cafiero De Raho. Gjatë kësaj vizite zyrtare, Prokurori Antimafias italiane ka takuar ministrin e Punëve të Brendshme Fatmir Xhafaj, kryeprokuroren Arta Marku si dhe ministren e Drejtësisë, Etilda Gjonaj.?- shkruan gazeta Sot.

Fokusi i bisedës së këtyre takimeve ka qenë operacioni ?Forca e Ligjit? si dhe ai i bashkëpunimit mes Shqipërisë dhe Italisë për goditjen e grupeve kriminale. Por një tjetër element që do të jetë në fokus të këtij bashkëpunimi do të jetë dhe ai i identifikimit të lidhjeve të politikës me krimin.

Një gjë të tillë e pohoi vetë Prokurori i Antimafias italiane, Federico Cafiero De Raho. Pas takimit që zhvilloi me kryeprokuroren Arta Marku, Prokurori Antimafias italiane u shpreh para mediave se mafia shqiptare është forcuar shumë dhe se ka krijuar lidhje me politikën.

Madje ai bëri të ditur se shumë shpejt do të fillojë dhe goditja e të gjithë të implikuarve në këto organizata kriminale. ?Mafia në Shqipëri ka arritur të penetrojë në nivele të territorit shqiptar që futen ne ekonominë legale dhe kanë lidhje me politikën. Mafia shqiptare mund të ketë pushtuar institucione, përfshirë policinë. Duhet t?i luftojmë këto organizata dhe të gjejmë subjektet e duhura dhe eksperiencën që kemi marrë nga aktiviteti i gjyqësorit?, u shpreh Federico Cafiero De Raho. Më tej, Prokurori Antimafias italiane theksoi se Shqipëria po bën hetime të përbashkëta me Italinë pasi grupet kriminale shqiptare kanë krijuar aleanca me ato italiane.

?Grupet kriminale në Shqipëri po bëjnë aleancë me grupet në Itali. Shqetësohemi së tepërmi për trafikun e kokainës. Grupet kriminale janë të pranishme jo vetëm në bregdetin Jon dhe zonën e Kalabrisë, por edhe në pjesën veriore të Italisë, në detin Adriatik. Sikur e kam thënë, po krijohen aleanca mes grupeve kriminale. Kemi zhvilluar hetime të përbashkëta dhe kemi vlerësuar rezultatet për hetimet e përbashkëta. Kemi bërë hetime domethënëse, që evidentojnë bashkëpunimin që kemi pasur me Shqipërinë?, tha ai.