web counter
LEXO PA REKLAMA!

SHKARKO APP

App Store
Google Play

Sekuestrohet 1 kg kokainë në Tiranë/ Në pranga dy persona

27 Shkurt 2018, 08:28, Kronika CNA

Policia e Tiranës ka sekuestruar një sasi prej 1 kg lëndë narkotike, e dyshuar e llojit kokainë, ndërsa në pranga ranë dy persona.

Burime zyrtare nga policia thanë se të arrestuarit janë 37-vjeçarët Ermir Bajramaj dhe Besim Hajdaraj.

Njoftimi i policisë:
Nga Seksioni për Hetimin e Narkotikëve në DVP Tiranë, në vijim të punës për goditjen e veprimtarisë kriminale në fushën e lëndëve narkotike dhe kryesisht për drogat e forta, bazuar në informacionet e siguruara në rrugë operative, u finalizua me sukses një tjetër operacion antidrogë i koduar ?High Class?.

Si rezultat i operacionit, në rrugën ?Kongresi Manastirit?, u bë kapja dhe arrestimi në flagrancë i dy shtetasve:

Dy shtetasit e lartpërmendur qarkullonin me automjetin tip ?Nissan micra? me targë DR 3425 F, që drejtohej nga shtetasi Ermir Bajramaj dhe janë kapur në flagrancë, ku gjatë kontrollit të automjetit u gjet e u sekuestrua në cilësinë e provës materiale një sasi lënde narkotike e dyshuar ?Kokainë? e cila pas peshimit rezultoi 1 kg e 52. 8 gr.

Lënda narkotike ishte e destinuar të shitej në qytetin e Tiranës, në lokalet e natës, në zonën e ish-Bllokut.

Vijojnë veprimet për dokumentimin e plotë të kësaj veprimtarie kriminale.

Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale të ?Prodhimi dhe shitja e narkotikëve, kryer në bashkëpunim?, parashikuar nga nenet 283 e 25 e Kodit Penal./ CNA.al





Lajmet e fundit nga