web counter
LEXO PA REKLAMA!

SHKARKO APP

App Store
Google Play

U deklarua vdekje natyrale/ Policia: E vrau burri, procedohet penalisht mjeku i urgjencës

27 Shkurt 2018, 12:30, Kronika CNA

Policia e Fierit ka bërë të mundur zbardhjen e dokumentin e ngjarjes së janarit 2017, ku ka humbur jetën shtetasja V.V., vdekja e së cilës ishte trajtuar si vdekje natyrale.

Uniformat blu bëjnë të ditur se pas një pune hetimore disa mujore nga Policia e Fierit në bashkëpunim me Prokurorinë e Krimeve të Rënda Tiranë, është arritur të sigurohen prova dhe të merret masa e ndalimit ndaj autorit të dyshuar të vdekjes së shtetases V.V, bashkëshortit të saj, shtetasit: N.V., 75 vjeç, banues në Patos.

Gjithashtu policia thotë se është proceduar penalisht edhe mjeku i Urgjencës së Spitalit Rajonal Fier për veprën penale “Shpërdorim detyre”.

Gjykata e Shkallës së Parë për Krimet e Rënda Tiranë, me vendimin e datës 23.02.2018, ka vendosur masën e sigurisë ?Arrest në Burg? për veprën penale ?Vrasje për shkak të marrëdhënieve familjare? parashikuar nga Neni 79/c i Kodit Penal.

Gjithashtu është marrë masa e heqjes së të drejtës së ushtrimit të profesionit për mjekun e Urgjencës së Spitalit Rajonal Fier, shtetasin I.T., si edhe ka filluar procedimi penal për veprën penale “Shpërdorim i detyrës” dhe është dhënë masa e sigurisë “Detyrim paraqitje” në Policinë Gjyqësore.

Vijojnë hetimet për dokumentimin e plotë të ngjarjes./ CNA.al





Lajmet e fundit nga