web counter
LEXO PA REKLAMA!

SHKARKO APP

App Store
Google Play

Zbulohet vendi më i pisët në shtëpinë tuaj dhe nuk është ai që mendoni

23 Shkurt 2018, 12:54, Lifestyle CNA

Me siguri që të gjithë kur përmendim vendin më të pisët brenda shtëpisë sonë, në mendje na vjen tualeti.

Por a do të habiteshit nëse do mësonit që në fakt vendi më i pisët është në kuzhinën tuaj?

Po po, studiuesit kanë zbuluar se ndonëse shpenzoni orë të tëra duke pastruar shtëpinë, duket se ka vende që antibakterialët nuk mund të arrijmë ti largojmë.

Në të vërtetë, produktet e pastrimit mund të mos jenë aq efektive në heqjen e baktereve siç ju mendoni.

Në një artikull të publikuar nga BBC, thuhet se ndonëse mund të përdorni letra antibakteriale, bakteret e dëmshme mund të fillojnë të rishfaqen në sipërfaqe menjëherë pasi i keni fshirë.

Shkencëtari Michael Mosley ka bërë një eksperiment me pastrimin dhe prova e tij rezultoi se bakteret rriten në kuzhinë  vetëm një orë pas pastrimit.

Programi nxori në pah se vendet më të pista ishin rubineti e sfungjerët që shumica prej nesh i përdorin për të pastruar tenxheret dhe enët e tjera.

Edhe rubineti në tualet dhe sfungjerët që keni aty, janë po ashtu burim bakteresh.

Në fakt studimi u bazua në 22 familje dhe u zbulua se 75% e enëve ishin të kontaminuara me baktere koliforme, një familje e baktereve.

Pra, cila është mënyra më e mirë? Ju mund ta vendosni sfungjerin në zbardhues një herë në javë, ose sipas Good Housekeeping, mund ta vendosni në mikrovalë ose pjatalarëse.

Vlen të theksohet se shumica dërrmuese e baktereve dhe mikrobeve që do të gjeni në shtëpinë tuaj janë absolutisht të padëmshme./CNA





Lajmet e fundit nga