web counter
LEXO PA REKLAMA!

SHKARKO APP

App Store
Google Play

Turqia, Rusia e Kina?!/ Bushati për Reuters: Ballkani Perëndimor, fushë shahu…

23 Shkurt 2018, 13:06, Politikë CNA

Shqiperia dhe fqinjët e saj mund të bashkohen më Bashkimin Evropian brenda një dekade.

Të paktën këtë bindje ndan Ministri për Evropën dhe Punët e Jashtme Ditmir Bushati në një intervistë për Reuters, duke folur mbi procesin e integrimit në BE të Ballkanit Perëndimor.

I pyetur për shkallën e ndikimit të Rusisë, Turqisë apo Kinës në rajon, Bushati thotë: ?Ballkani Perëndimor shihet si një fushë shahu gjeostrategjike?.

Shqipëria i mirëpret investimet nga vendet e tjera, përfshirë Japoninë, tha ai, por theksoi se nuk kishte alternativë tjetër veçse atë të anëtarësimit në BE. Ministri Bushati e ka bërë këtë intervistë gjatë punimeve të konferencës së Sigurisë së Mynihut.

Ndërkohë artikulli i prestigjozes Reuters i kushton një vëmendje takimit mes kryeministrit të Maqedonisë Zoran Zaev me kancelaren Angela Merkel, ku kjo e fundit premton se do të përpiqet të përshpejtojë procesin, ndonjëherë të ngadalshëm, të zhbllokimit të fondeve të BE-së të destinuara për Ballkanin.

?Ne evropianët nganjëherë kemi nevojë për shumë kohë. Kjo nuk është domosdoshmërisht një çështje se sa, por sa kohë duhet?, tha Merkel, duke vënë në dukje procedurat e gjata të planifikimit të projekteve të tilla si ndërtimi i autostradës, që mund të shqetësojë vendasit.





Lajmet e fundit nga