web counter
LEXO PA REKLAMA!

SHKARKO APP

App Store
Google Play

Deputeti i Bashës e pranon/ Vetë e kemi fajin për varfërinë

22 Shkurt 2018, 14:24, Politikë CNA

Deputetët e Bashës me deklaratat e tyre vijojnë të tërheqin vëmendjen e mediave. Sot gjatë seancës plenare, deputeti milioner i PD, Agron Shehaj ka folur për varfërinë. Ai ka deklaruar se ?Varfëria vjen për shkak të politikës. Ne jemi shkaku kryesor i mjerimit të një pjese të madhe të popullsisë?.

Madje, në fjalën e tij në foltoren e Kuvendit, Shehaj teksa foli në foltoren e Kuvendit për skemën e re te ndihmën ekonomike, e cilësoi veten të papërshtatshëm për të folur për varfërinë, për shkak se është biznesmen.

?Dukem i papërshtatshëm për të folur për varfërinë.

Nuk kam lindur i pasur, por dola nga varfëria, me shumë punë dhe në mënyrë të ndershme.

Ashtu si unë me mijëra të rinj falë punës së tyre ja dolën të përmirësonin ndjeshëm nivelin e jetesës.

Varfëria është problem i madh dhe i vështirë të luftohet. Varfëria vjen për shkak të politikës.

Ne jemi shkaku kryesor i mjerimit të një pjese të madhe të popullsisë. Është e neveritshme të dëgjosh ministrat milionerë të bëjnë leksione për varfërinë.?- është shprehur ndër të tjera Agron Shehaj./ CNA.al





Lajmet e fundit nga