E fundit!

11:42 Aktualitet

Nis spërkatja e kulturave të misrit në Maliq, trajtohen rreth 100 hektarë

Ka nisur procesi i spërkatjes së kulturave të misrit në Ba...

Pas Shkodrës përplasje edhe në PS-në e Kukësit

19 Shkurt 2018, 21:27, Politikë CNA

Pas përplasjeve brenda Partisë Socialiste të Shkodrës edhe strukturat e PS-së në Kukës janë përfshirë në një konflikt të hapur me të deleguarin e kryesisë qendrore të kësaj partie, Safet Gjici.

Kujtojmë këtu se Gjici ka zëvendësuar Mimi Kodhelin, e cila kryesonte listën e kandidatëve për deputet të PS-së në këtë qark në zgjedhjet e fundit.

Socialistët e Kukësit shprehen hapur kundër vendimit, për zëvendësimin e Kodhelit nga Gjici, kjo pasi sipas tyre ?Shkarkimi i znj. Mimi Kodheli si e deleguar është i padrejte pasi ajo perfaqeson ne Kuvend votuesit e PS se Qarkut Kukes. Personi i ngarkuar si i deleguar per Qarkun Kukes z. Safet Gjici është ne kundërshtim me statutin e PS dhe nuk përfaqëson interesat e socialisteve te Kukësit, as të votuesve të PS, Kukës pasi me veprimet dhe mosveprimet e tij e ka dëshmuar këtë?.

Deklarata e plotë:

?Te detyruar nga mungesa dhe neglizhenca e vazhdueshme e Drejtuesve te PS Kukes dhe Kryesisë se PSSH ndaj nesh socialisteve te Kukesit , bëjmë këtë deklaratë për shtyp për të bërë publike shume problematika tonat të cilat me e rëndësishmja është që të vendoset në vend morali i PS dhe i socialisteve të Kukësit.

Për shkak të neglizhencës së përsëritur të kryetarit dhe Drejtuesve të PS-së, Kukës dhe të humbjes së besimit ndaj tyre me shume se 1/3 e Asamblesë se Kukësit sipas statutit te PS-së i kërkoi kryesisë votëbesimin e Kryetarit dhe marrjen e masave për zgjidhjen e problematikave tona.

Nga ana e Kryesisë me dt. 17.01.2018 me përfaqësues z. Taulant Balla dhe Ilir Beqja u paraqiten vendimet e Kryesisë se PSSH dhe premtua zgjidhja e problemeve te shtruara deri me dt. 10.02.2018.

Vendimet e kryesisë ishin si me poshtë:

Pezullimi i Kryetarit dhe Sekretarit te PS Kukës

Shkarkimi i znj. Mimi Kodheli si e deleguar për Qarkun Kukës

Ngarkimi me këtë detyrë z. Safet Gjici

Ne kundërshtojmë ne mënyrë absolute këtë vendim pasi:

Shkarkimi i znj. Mimi Kodheli si e deleguar për Qarkun tone është i padrejte pasi ajo perfaqeson ne Kuvend votuesit e PS se Qarkut Kukes. Personi i ngarkuar si i deleguar per Qarkun Kukes z. Safet Gjici është ne kundërshtim me statutin e PS dhe nuk përfaqëson interesat e socialisteve te Kukësit, as të votuesve të PS, Kukës pasi me veprimet dhe mosveprimet e tij e ka dëshmuar këtë. Në këtë mënyrë problemet tona të premtuara për zgjidhje jo vetëm që nuk filluan të zgjidhen, por me një revansh dhe me te shtuar u agravuan duke u shkelur rëndë të drejtat e socialisteve. Kjo deklarate behet për te qene transparent për publikun pasi ne menyre institucionale brenda PS nuk gjetëm zgjidhje?. /CNA.al