web counter
LEXO PA REKLAMA!

SHKARKO APP

App Store
Google Play

E fundit!

x

Artan Fuga “kërcënon” Veliajn dhe denoncon nënpunësit e Bashkisë: Durimi ynë ka një kufi

19 Shkurt 2018, 17:15, Politikë CNA

Akademiku Artan Fuga, në një postim në rrjetet sociale, i ka bërë thirrje kryetarit të Bashkisë së Tiranës, të shohë padrejtësitë që po bëhen me qytetarët, me uzurpimin e hapsirave.

Në të njëjtën kohë Fuga ka denoncuar nënpunëit e Bashkisë së Tiranës, për veprime të paligjshme  dhe nëpërkëmbje të të drejtave të qytetarëve.

Postimi i plotë:                 

Kryetari i Bashkisë së Tiranës z. Erion Veliaj, shihni se çfarë arbitraritetesh bëjnë punonjësit tuaj, duke na penguar jetën normale dhe uzurpuar vendet e parkingut anash pallatit.

Mirë ajrin na e merrni!

Mirë diellin e shohim vetëm një orë në ditë.

Mirë malin dhe erërat që vinin nga detit e kemi harruar.

Mirë që hamë fruta dhe perime të tregtuara në tokë.

Mirë ndotjen e thithim me të gjitha qelizat.

Mirë ujë të pishëm nuk kemi në robinetat tona.

Por, edhe vendet për parking i keni rrëmbyer.

Denoncoj nëpunësit e Bashkisë për arbitraritet, veprime të paligjeshme, nëpërkëmbje të të drejtave qytetare me qëllim që të shtohet kërkesa për parkinge me lekë.

Kush është i interesuar për parkinget me lekë që gëlojnë në hapësirën urbane pa fatura, pa orodator, pa kushte ruajtje???

Merrni anën e qytetarëve,

ne duam parkingjet tona.

Mos abuzoni me ne sepse banditë nuk jemi që t’i sharrojmë si komunitet, por as skllevër nbuk jemi të durojmë cdo lloj arbitrariteti të çdo nëpunësi militant.

Durimi ynë ka një kufi.    /CNA.al





Lajmet e fundit nga