web counter
LEXO PA REKLAMA!

SHKARKO APP

App Store
Google Play

E fundit!

x

Tirana përtej fasadave/ Veliaj po helmon qytetarët

17 Shkurt 2018, 19:27, Aktualitet CNA

Ashtu siç edhe ishte paralajmëruar, mijëra banorë të fshatit Helmes kanë protestuar sot kundër ngritjes së një për prodhimin e asfaltit, e cila po ngrihet me firmën e kryebashkiakut Veliaj.

Banorët shprehen se nëse një fabrikë e tillë ndërtohet në këtë zonë pasojat e saj do të jenë katastrofale, pasi tymi që çliron është kancerogjen dhe sipas tyre ajo po ndërtohet pa asnjë lloj konsulte me komunitetin e zonës.

Protestuesit mbanin në duar pankarta kundër kryebashkiakut Veliaj, ku kanë denoncuar hipokrizinë e tij, duke i kujtuar propagandën  e mbjelljes së pemëve, në një kohë që tek ta çon helm.

Një protestuese, ka kërkuar që kryetari i Bashksië së Tiranës Erion Velaij, të japë llogari, përse në vend të pemëve po iu sjell helm.

?Ku është lali Eri që vjen e thotë të mbjellim një pemë, jetë, dhe vjen e kërkon dhe lekë nëpër shkolla? Ku është ai? Neve na vjen e na sjell helm këtu. Apo pemë ka vetëm nëpër qytete e nëpër fshatra ka fabrika?, është shprehur ajo.

Ndërsa protestuesit janë shprehur se nuk do të ndalen derisa kjo situatë të zgjidhet, nga ana e Bashkisë së Tiranës ende nuk ka asnjë reagim.

Lali Eri që zë ekranet nga mëngjesi në darkë, nuk po gjen kohë për tju përgjigjur këtij problemi kaq të rëndë./ CNA.al

Tirana përtej fasadave/ Fabrikë kancerogjene me firmën e Veliaj





Lajmet e fundit nga