E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Faktet dhe pazari me heshtjen pas video-skandalit/ Në PD po lëviz një skenar

14 Shkurt 2018, 16:35, Aktualitet CNA

Nuk kanë kaluar shumë por 48 orë nga publikimi i video skandalit në CNA.al, ku deputeti i Lulzim Bashës, Ervin Salianji, u pa nga të gjithë shqiptarët në një komunikim pervers me GD-në. Në 48 orë ka një heshtje varri dhe gjithçka po përpiqet të kalohet pa asnjë qëndrim nga PD-ja zyrtare, por dhe vetë aktorët e video-skandalit.

Salianji dje u përpoq të justifikohej nëpërmjet emisionit satiriko-investigativ “STOP”, një sqarim që nuk u transmetua për shkak të ndërhyrjes së Bashës.

Në 48 orë kanë nxjerrë disa teori, video e publikuar e montuar dhe e pavërtetë. Thanë se është pjesërisht e vërtetë dhe se GD nuk është Grida Duma. Çfarë skenari, nuk kanë shpikur dhe të gjitha u rrëzohen. Një pronar universiteti, nxjerr teori që dështoi.

Tashmë shumica e di se kush është GD, një nga provat e kanë në telefonat e tyre, ashtu siç e kemi dhe ne. Të tjera fakte dhe prova do të publikohen, në rast se nuk do të shohim të vërtetën të thënë nga aktorët kryesor.

Në PD ka folur vetëm Arben Ristani, ndërkohë që disa hiena të lëshuara nga Ervini nuk mundën të ndalnin uraganin e skandalit në rrjetet sociale. Kanë mundur vetë censurë, tek kazani i Edi Ramës, që çuditërisht rezulton të ketë bashkëpronar Lulzim Bashën.

Kanë kaluar 48 orë, dhe ende shumica e medieve të cilat flasin dhe bëjnë lajme edhe kur ndonjë politikan shkon në banjo, apo se ka ndërruar fustanin ndonjë deputete, heshtin. Kazani po hesht, është i blerë, i keqpërdorur dhe i përdhosur. Me shpresën që do t’i ndihmojnë Ervinin dhe GD-në, me shpresën që do të shpëtojnë nga turpi i atij komunikimi pervers.

E në rast se Sali Berishës iu deshën 4 minuta për të hequr një ministër të përfshirë në një video-skandal në shtëpinë e tij, Lulzim Basha ka 48 orë, së bashku me personazhet e video-skandalit që nuk flasin, dhe po tentojnë ta kalojnë në heshtje. Por kjo nuk ka për të ndodhur kurrë, jo për inat të Lulzim Bashës, apo Ervinit dhe GD-së, por sepse kjo është në misionin tonë. Për më tepër edhe pse përballë kemi kazanin “Rama-Basha” që hesht.

48 orë heshtje varri nuk shpëtojnë askënd nga mega-skandali që ne paralajmëruam. Siç premtuam, kemi fakte dhe prova të reja, edhe të prodhuara në 48 orët e fundit. E vërteta vonon, por nuk harron kurrë. /CNA.al

Ekskluzive-Video e deputetit në bisedën perverse/Shk……, pleh.., q..

Fotot dhe teksti i plotë i bisedës së deputetit/ …vetëm më dërrmove