E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Situata me fermerët/ Rama kopjon atë që kritikoi vetë

14 Shkurt 2018, 14:39, Aktualitet CNA

Kryeministri Rama ka qënë i pranishëm paraditen e sotme në një aktivitet në Universitetin Bujqësor të Tiranës, ku ndër të tjera ju ka kthyer përgjigje edhe fermerëve të Korçës, të cilët disa ditë më parë përcollën shqetësimin e tyre pasi patatet e kultivuara gjatë sezonit të kaluar, u kanë mbetur stok.

Sipas kreut të qeverisë, fermerët duhet të kultivojnë ato kultura që kërkohen nga tregu, në mënyrë që prodhimet e tyre mos mbeten stok.

?Në zonën e Korçës ka një problem, ka mbiprodhim të patates, por nuk ka treg. Dhe kthejnë sytë nga qeveria, a thua se qeveria do t?u blejë patatet. Kjo është ekonomi tregu. Mbjellin të gjithë patate dhe u ngelet pa shitur. Në treg patatja e tyre del në një moment kur preferohet patatja e Kukësit, dhe në një kohë kur del patatja e dytë e Myzeqesë. Ndaj duhet të heqin dorë nga kultivimi i patates. Ata duhet të kultivojnë kulturat që kërkohen nga tregu?.- ka deklaruar kryeministri.

Por, ajo që bie në sy këtu është se në kohën kur kryeministri aktual, Edi Rama ishte në opozite deklaronte të kundërten e atyre që tha sot. Kur fermerëve ju mbeten stok prodhimet e qepës ai fajësoi qeverinë Berisha.

Ndërsa sot, meqë është vetë në qeveri, fajin e paskan fermerët. Rama sot tha se fermerët e Korçës duhet të orjentohen drejt pemtarisë, por ?harron? apo bën sikur që ata kanë nevojë për subvencionime të qeverisë për mbjelljen e pemëve. I kujtojmë Ramës se qeshte me Berishën, kur ky fliste për projektin e arrorëve.

Rama sot tha të njëjtën gjë që para 7 vitesh e ka thënë ish-ministri i Financave, Ridvan Bode.

Kryeministri është vetë përgjegjësi për gjendjen e sotme të fermerëve, pasi është ai që ka bllokuar fondet për bujqësinë.

Subvencionimi i fermerëve për mbjelljen e pemtarive ishte një projekt i qeverisë Berisha, por që kryeministri aktual, Edi Rama e ka bllokuar, ndërsa tani del e thotë se nuk është përgjegjësia e qeverisë./ CNA.al