web counter
LEXO PA REKLAMA!

SHKARKO APP

App Store
Google Play

Zyrtari i KE “shuplakë” Qeverisë/ Gabuat me Sajmir Tahirin, mos pengoni Reformën Zgjedhore

14 Shkurt 2018, 10:21, Aktualitet CNA

Thorsten Frein, deputeti i Bundestagut gjerman, njëherësh raportuesi për Shqipërinë në KE, në një konferencë për mediat, ka thënë se Vetingu është vendimtar për hapjen e negociatave.

?Është në interesin e të dyja palëve integrimi i Shqipërisë në BE. Kam ndjekur rastin e ish ministrit të brendshëm se si është trajtuar politikisht, mendoj se duhej të hiqej imuniteti në Kuvend, pa debate?,  është shprehur Frein.

Sipas tij është e rëndësishme që të shihet progresi në reformën në drejtësi, për të ndaluar të rinjtë që shkollohen që të largohen nga këtu, që qytetarët të shohin perspektivë në Shqipëri si dhe që të vijnë investitorët e huaj.

?Politika duhet të fokusohet në temat programatike, në mënyrë që qytetarët të kenë mundësi që të shikojnë se si politika trajton çështjet programatike dhe jo personat?, ka thënë më tej ai.

Frein është ndalur tek reforma zgjedhore, si një nga pesë kushtet që duhet të plotësojë Shqipëria për anëtarësimin në BE.

?Prej katër vitesh ne tërheqim vëmendjen dhe rëndësinë që ka për Shqipërinë reforma zgjedhore, ndaj duhet të përmend këtë si një nga pesë kushtet për çeljen e negociatave. Duhet të rritet besueshmëria e zgjedhjeve?, është shprehur Frein, duke rikthesuar se deri në prill do të ndjekin me vëmendje zhvillimet në Shqipëri për të reflektuar se si do të veprohet më tej./CNA.al

 

 





Lajmet e fundit nga