E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Deputeti i PD-së reagon pas deklaratës së akademikut Artan Fuga

13 Shkurt 2018, 18:54, Aktualitet CNA

Deputeti i Partisë Demokratike, Luçiano Boçi, ka reaguar pas deklaratës së akademikut, Artan Fuga, lidhur me debatin e ditëve të fundit për pagat e pedagogëve.

Sipas Luçiano Boçit, debati për këtë çështje me profesor Fugën është i frytshëm dhe që u shërben të gjithëve.

“Profesor i nderuar!
Ndjesë për komunikimin nga larg që ndonjëherë ushqen kuriozitetin e t? tretëve, por që unë e konsideroj debat të frytshëm që na shërben të gjithëve, aq më tepër që e bëj me ju!
Ndoshta po zgjatem, por kam bindjen që kam mirëkuptimin tuaj të përhershëm.”, – shkruan Boçi.

Në vijim deputeti demokrat shprehet se për Ligjin e Arsimit të Lartë, Partia Demokratike ka shfaqur kundërshtitë e saj, dhe e ka paralajmëruar katrahurën që vjen si pasojë e atij ligji.

“Vërtet për ligjin e AL ne bashkë, në mënyrë të spikatur nga ju, sikurse shumë senate universitetesh, kemi shfaqur kundërshtitë tona dhe paralajamëruam katrahurën e sotme. E gjykoj sikurse ju që opozita është alternativë dhe jo thjesht kundërshti. Në këtë pikë ne si ligjvënës kemi idetë tona për një ligj efikas e që kalon që pari në filtrin e gjykimit te trupës akademike e të aktorëve të tjerë. Shumë të tilla ne si ligjvënës, i propozuam në orët pa mbarim te debatit në komision, por që u hodhën poshtë me kartonat e palogjikshëm të mazhorancës. Bindja jonë për ta rrëzuar këtë ligj është ndjekur gjithmonë me angazhimin për një ligj të ri.”, – nënvizon Boçi.

Sipas tij, “Reagimet tona në vazhdim, për mungesën e akteve nënligjore, janë natyralisht në shqetësimin se një ligj i keq i bashkuar më një zbatim të keq e paaftësi të keqe, pjell ?një përbindësh?. E në emër të mohimit të ligjit ne nuk mund të lejojmë nëpërkëmbjet që ai prodhon. Të paktën t?i vendosim ca frena në mungesë të kartonave. Nenet 109, 110 janë referuar për t?i thënë ministrisë pikërisht atë që më keni keqkuptuar, por që unë e kam theksuar qartë: të ardhurat e IAL-ve i jepen pedagogëve si honorare, projekte, investime, por kurrsesi si paga. Këto janë vlerë e punës së tyre mbi pagën mjerane. PAGËN e ka detyrim shteti!!!!
Ministria këtë nuk e bëri.”

Në përmbyllje të reagimit të tij, deputeti i PD-së, Luçiano Boçi, shprehet se nuk bëhet fjalë për pagën e pedagogëve, por tek dinjiteti i nëpërkëmbur i tyre.

“Ndërkohë e kam shprehur bashkë me ju revoltën se kjo nuk është thjeshtë punë page se këta ?nuk kanë ku e cojnë topin? nga frika e reagimit.Tërësisht jam me ju që kjo është nj? cështje e dinjitetit të nëpërkëmbur të pedagogut nga mëkëmbës injorantë!”, – shkruan Boçi, ndërsa shton, “Mbetem gjithmonë falenderues për ju e kontributin e pandalshëm!” /CNA.al