STOP heq rrëfimin e Salianjit/ CNA.al paralajmëron fakte dhe prova të reja

13 Shkurt 2018, 19:48, Aktualitet CNA

CNA.al, raportoi sot në orët e pasdites se në emisionin investigativo-satirik “STOP”, do të ishte deputeti demokrat, Ervin Salianji, i cili dje u përfshi në një video-skandal, duke shkëmbyer mesazhe me fjalor banal dhe pervers me shtetasen GD.

Mësohet se Salianji në studio është justifikuar duke thënë se komunikonte me të paktën 3 persona, dhe në bisedë nuk është Grida Duma, deputetja e PD dhe Sekretarja e Marrëdhënieve me Publikun.

Deputeti Demokrat, ka përdorur çdo argument për të mbuluar skandalin. Ka theksuar se video është e vërtetë, por biseda është me 3 persona të ndryshme dhe në studio ka treguar edhe BBM dhe komunikimin në Whatsapp.

Me sa duket justifikimet e Salianjit nuk kanë mbushur mendjen e drejtuesve të emisionit. Justifikimet e tij ndoshta janë dukur të lehta dhe të pabaza, pasi është riparë gjithçka.

Salianji gjithmonë është përpjekur që të justifikojë faktin se GD, nuk është Grida Duma dhe se BBM e Whatsapp-i i saj ishte me tjetër emër. Në fakt nga publikimi i djeshëm i skandalit, deri sot në mesditë, emri i BBM ndryshohet jo një herë por 100 herë, si në Whatsapp.

Nuk po merremi me këtë detaj dhe justifikimet e dhëna sot apo që do jepen në vijim nga deputeti Ervin Salianji, sepse ne e dimë se kush është GD, nuk kemi asnjë dyshim, nuk na shqetëson aspak ndryshimi i BBM apo i WP. Kemi argumente dhe fakte të të pakundërshtueshme, ashtu siç jemi të hapur të dëgjojmë dhe publikojmë çdo qëndrim nga personat e përfshirë në video-skandalin. Më shumë sesa të bredhë televizioneve, deputeti i Bashës duhet të bëjë një hap, të dorëzojë mandatin e tij, dhe në rast se nuk e bën, duhet të jetë Lulzim Basha ai që duhet ta bëjë këtë.

Videon e ka pranuar me zë dhe figurë në STOP, që ekziston dhe është autentike. Nuk i ka ngelur gjë tjetër, veçse të largohet denjësisht.

CNA.al nuk po përzihet në asnjë çast me justifikimet është apo nuk është Grida Duma, ne do ta themi këtë, se kush qëndron përballë Salianjit, vetëm në rast se nuk do të kemi një reagim dinjitoz nga ana e deputetit dhe kryetarit të PD, Lulzim Basha. Këtë e bëjmë për një arsye, nuk duam që ne të jemi shkaktarët e pasojave që mund të vijnë në disa familje, nga pasojat e këtij video-skandali. Nuk ka pse të vuajnë, bashkëshortët, gratë, fëmijët dhe prindërit, nga veprimet perverse të një apo më shumë deputetëve.

Ashtu siç kemi thënë dhe premtuar se do të jemi pa censurë, ne do të ruajmë dhe etikën dhe parimet e gazetarisë. E themi me përgjegjshmëri dhe jemi të gatshëm të përballemi me çdo përgjegjësi ligjore, por i lutemi publikisht Ervin Salianjit dhe GD-së, të ndërmarrin hapat e duhur si qytetarë të përgjegjshëm dhe të mos rëndojnë më tej këtë skandal që mund të marrë përmasa me pasoja për njerëz që ndoshta kurrsesi nuk duhet të përfshiheshin në këtë skandal.

Misioni ynë, është e vërteta pa censurë, dhe ashtu siç duam të falënderojmë emisionin “STOP”, që nuk kaloi në një aventurë për të na detyruar ne si botues të parë të nxirrnim fakte dhe prova të papublikuar dhe të pakontestueshme nga askush. Shpresojmë dhe besojmë se këtë herë, jo vetëm Lulzim Basha, por edhe ata deputetë të përgjegjshëm dhe që përfaqësojnë denjësisht PD do të ushtrojnë të gjithë autoritetin e tyre, për të mos vazhduar më me kërcënime, ndërhyrje dhe presione, me teatro qesharakë, por do t’i thonë “Stop!”, këtij skandali që mban emrin Ervin Salianji.

Strategjia për tu fshehur dhe loja që u tentua të bëhej sot për të justifikuar GD-në, ne kemi ditur gjithçka, kemi pasur kontaktin e saktë. Kush ishte GD, dihet, por ne nuk donim të flisnim troç, për arsyet që përmendëm më lart, duke shpresuar tek përgjegjshmëria e PD dhe frenimi i pasojave të mëtejshme. Tani që shohim që ka një strategji justifikuese, manipulative, dhe sharlataneske, për të nxjerrë GD-në si viktimë dhe Ervinin si mashkull të fortë, po përsërisim të njëjtën fjali.

Është koha për të vërtetën, deri në fund, ta di çdo demokrat nga më i thjeshti, deri te Sali Berisha. Ta dijë çdo shqiptar, që nga më i thjeshti, deri tek ata që merren me thashetheme në rrjetet sociale.

Të vërtetën nuk mund ta fshehë askush. As Ervini, as GD, as Lulzim Basha, as gazetarët dhe stani që u vjen vërdallë për “t’i shpëtuar”.

Nuk po ju bëjnë asgjë, thjeshtë po i zhytin në llumë deri në fyt, Ervinin dhe GD-n, të cilët në fakt duhet të flisnin. Nuk folën, por zgjodhën të manipulonin dhe tentuan të dilnin në publik me të pavërteta. Tani është koha që të dëgjojmë të vërtetën e tyre. Mjafton të na e thonë, qoftë edhe me një status të thjeshtë në FB. Shqiptarët dhe demokratët presin, edhe ne do të presim si ata, por vetëm për të dëgjuar të vërtetën. Nëse ajo është gënjeshtër të vërtetën do ta themi ne, me fakte dhe prova të pakundërshtueshme. Përgjegjësitë për çdo pasojë le t’i mbajnë gënjeshtarët. /CNA.al

Salianji e pranon publikisht/ Në video jam unë, GD është…