web counter
LEXO PA REKLAMA!

SHKARKO APP

App Store
Google Play

E fundit!

x

A do ta tundë Arta Marku me deputetin doganier?!

11 Shkurt 2018, 11:10, Aktualitet CNA

Një jurist që ka përfunduar gjimnazin dhe universitetin me rezultate të shkëlqyera, sipas CV-së së deklaruar prej tij. Një jurist i shkëlqyer që përfundon një doganier nga viti 2000-2005.

Mjafton të pyesësh bizneset që kanë pasur shërbime në doganën e Kakavijës për të kuptuar kush është Alket Hyseni, anëtari socialist i Komisionit të Ligjeve, i cili ka shërbyer tek trau, në kohët kur korrupsioni në dogana ka qenë në nivele spektakolare. Me qindra milionë euro abuzime dhe vjedhje, pjesë e kësaj strukture ka qenë dhe Alket Hyseni.

Mjafton të kthehesh pak në kohë, Kakavija ka qenë një nga pikat kryesore të kontrabandës së cigareve, karburanteve dhe pijeve të forta. Ka qenë në kohën kur kjo doganë kontrollohej nga ai që quhej ?grupi i Tepelenës?.

Ndoshta rastësisht, por Alket Hyseni është nga Tepelena.

Në vitet 2000-2005 doganat shqiptare kanë me dhjetëra raporte të cilat fillojnë nga FMN, Banka Botërore, BE, por edhe institucuionet shqiptare si SHISH, krimi ekonomik, etj.

Të gjitha kanë një të përbashkët, korrupsionin kontrabandë,  abuzimin me detyrën dhe shkelje të ligjit nga strukturat doganore ku ka punuar Alket Hyseni.

Jurist i shkëlqyer, përfundoi doganier, atje ku mbusheshin xhepat me lekë, atje ku korrupsioni dhe abuzimet ishin plaga kryesore e strukturave të shtetit shqiptar.

Por ndodh edhe kështu, nga trau në doganë, të bësh karrierë në parti.

Ti garantosh kryetarit të mos bëjë zgjedhje, sepse ka qef Ben Blushi apo duhet sipas statutit, kjo nuk ka rëndësi për shërbimin shpërblehesh me post drejtori tek Pastrimi i Parave.

Tani kanë kaluar shumë vite, Alketi nuk kishte çfarë të pastronte. Në fund çuni nga Tepelena zgjidhet deputet në Sarandë, në listë me Edi Ramën dhe përpara këtij të fundit.

Një qëndrim i mbajtur në fund të emisionit ? Të Paekspozuarit? nga deputeti socialist, Alket Hyseni, u bë lajm në të gjitha mediet.

?Arta Marku do ta tundi mirë?? tha Hyseini për kryeprokuroren e zgjedhur në më pak se 50 % e votave të deptutetëve të Parlamentit, e cila është quajtur së fundmi, si një personazh i kontrolluar dhe komanduar nga ministri i Brendshëm, Fatmir Xhafa, pra nga shumica socialiste në pushtet.

Në fakt zonja Marku duhet ta tundë vërtetë mirë, por së pari edhe duke hapur deklarimet e pasurive, të ardhurat, taksat e paguara dhe gjithçka ka mundur të sigurojë një ish-doganier, sot deputet si Alket Hyseini.

CNA.al (CityNews Albania) do të sjellë një investigim të plotë për studentin e shkëlqyer, pasurinë e tij marramendëse, historinë e tij në dogana, Partinë Socialiste, por dhe lidhje të  tij klienteliste, pa lënë menjëanë detaje ekskluzive për Kakavijën dhe “grupin e Tepelenës” që kontrollonte këtë doganë në kohën kur aty punonte Alket Hyseni. /CNA.al

 

 





Lajmet e fundit nga