web counter
LEXO PA REKLAMA!

SHKARKO APP

App Store
Google Play

E fundit!

x

Kastriot Dervishi sjell injorancën e MPB-së/ Sundonin kuadrot me arsim fillor dhe 7 vjeçar

10 Shkurt 2018, 20:52, Aktualitet CNA

I prononcuar nëpërmjet  një postim në faqen e vet të rrjetit social fcb, Kastriot Dervishi, ish drejtori i Arkivës së Ministrisë së Punëve të Brendëshme, këtë herë ka sjellë nivelin arsimor që e zotëronte kuadrin e Ministrisë së Brendëshme të kohës së Komunizmit. Të këtij institucioni represiv dhe të pamëshirshëm ndaj kujtdo që binte në duart e tija.

I pamëshirshëm veçanërisht ndaj të shpallurve si armiq të Partisë së Punës dhe udhëheqësit Enver Hoxha.

Përballë injorancës arsimore, fanatizmi i besnikërisë së tyre ndaj klikës dikatoriale është i shpjegueshëm dhe ky është qëllimi pse z. Dervishi na e sjell në vëmendje nivelin arsimor të efektivit që e sundonte këtë dikaster të kthyer në tmerri i intelektualëve shqiptar.

Ja çfarë shkruan Dervishi në postimin e bërë pak më parë:

“Në vitin 1959 Ministria e Punëve të Brendshme kishte një efektiv prej 2818 personash. Këta ndaheshin në këtë mënyrë:
-1037 në qendër
-1218 në organe të varësisë
-563 në repartet e kufirit
Prej tyre, ishin nomenklaturë e lartë që vendoseshin nga Byroja Politike dhe Sekretariati i KQ të Partisë së Punës së Shqipërisë 268 kuadro (ministri, zëvendësit, drejtorët, kryetarë degësh).
Siç do vihet re nga tabela, kuadri mbizotërues ishte me arsim fillor ose 7-vjeçar. Megjithëse jemi në vitin 1959, pra një kohë e duhur për ta futur në shina mësimore kuadrin, shumica e tij rezulton krejt e pavlefshme për funksionet që bart. Vetëm 10% e kuadrit cilësor drejtues, nomenklaturë e Komitetit Qendror është me arsim të lartë. Në mënyrë logjike, prej këtyre shifrave asnjëherë nuk mund të pretendohet se mund të kenë rrjedhur veprime inteligjente”./CNA.al

 





Lajmet e fundit nga