Përse Luli nuk bëhet kurrë lider si Berisha?

6 Shkurt 2018, 13:23, Aktualitet CNA

Nga Artur Ajazi

Prej 5 vitesh Lulzim Basha po mundohet dhe po bën të pamundurën të bëhet ?lider? si Berisha, po mundohet dhe po bën të pamundurën të imitojë dhe ti ngjasë Berishës, po mundohet dhe po bën të pamundurën të bëhet edhe kryetar opozite. Por e ka të pamundur, sepse janë shumë faktorë dhe situata të cilat nuk e lejojnë objektivisht dhe subjektivisht që Luli të bëhet ?lider? dhe të bëhet edhe ?Berishë?, aq më tepër me atë ?ekip të ri? që ai ka sot.

Kjo pasi situata në të cilën ndodhet sot Luli, duket se është e largët dhe e pamundur realizimi ëndrrës tij për tu bërë kryetari, lideri, Berisha, politikani, etj. Kjo pasi, udhëkryqi në të cilën është futur Luli dhe parti e tij, kanë krijuar dështime të shumta të cilat e kanë ndjekur atë deri sot, duke e bërë të pamundur ëndërrën e tij për tu bërë Sali Berisha i dytë i PD.

Nga ana e tij edhe vetë Dokrori e ka bezdi të mendojë dhe të besojë se, ?Luli mund ti gnajsë atij?, ndaj dhe në shumë deklaratat e tij, ka patur vazhdimisht kritika kundër Bashës, duke qenë se si është njeriu që e afroi, suportoi atë politikisht. Duke parë katastrofën dhe dështimet me të cilat po përballet PD, si dhe dështimin e Lulit për tu bërë lider, zoti Berisha ka folur shumë ditët e fundit përsa i përket linjës opozitare e cila duket se nuk ka program, dhe se kjo parti po shkon drejt shpërbërjes strukturale.

Kritikat e tij ndaj Lulit, Doktori i ka shruar ditët e fundit, dhe ka theksuar fort se ? kam qenë dhe jam gjithmonë me bazën e partisë?, pra jo me Lulin. Por ?kryetari frontit opozitar? vazhdimisht po bën ?të paditurin? , edhe kur Doktori deklaroi se ?po do ta kërkonte baza largimin e Lulzimit, unë jam me bazën?, pasi parandjente dështimet e tij, ashtu siç dështoi edhe në protestën e fundit.

PD në historinë 27 vjeçare të saj ka patur largime siç ka patur edhe afrime. Por ngjarjet e fundit dhe kryesisht ato të 25 qershorit dhe 22 korrikut 2017, treguan se Lulzim Basha nuk ka qenë dhe nuk do të jetë kurrë lider i kësaj force politike.

Pasi humbi betejën me ?çadrën?, zgjedhjet e 25 qershorit, dhe 22 korrikun, e nisi ?rrebelimin? amatoresk të deputetëve të tij nga shkarkimi i Tikut, dhe e vazhdoi me emërimin e Prokurores së Përkohshme të Përgjithshme, e cila është zgjedhur në mënyrën më ligjore, fakt ky i konfirmuar jo vetëm nga ekspertët juridik shqiptarë, por edhe ata ndërkombëtarë, amerikanë e europianë.

Duke e patur Tikun si ?ogiçin e tij?, Lulzimi mendonte tja zgjaste mandatin atij, për të mbyllur sa të ishte e mundur problemet me strukturat dhe organet hetimore, duke u bashkuar në këtë ?aksion politik? me Monikën, e cila sot më tepër se kurrë po përjeton me tërbim arrestimin e bashkëpunëtorëve të saj nga Arta Marku.

Tashmë përfundimisht Monika dhe Lulzimi, nuk e kanë nën ?thundër? Prokurorin e Përgjithshëm, duke mos rreshtur së kërkuari që Arta Marku të largohet, për të ardhur një tjetër do të zgjidhej me votat e tyre.

Ndërkohë edhe amendamentet e paraqitura në Kuvend lidhur me kontestimet e dyshes Monika-Luli, mbeten sa të paqarta juridikisht, aq edhe tentativa të dështuara të tyre për të vonuar arrestimet e bujshme politike, që janë pergatitur nga Arta Marku dhe janë në fazën e zbatimit të tyre nga policia.

PD ka bërë të qartë se ka bllokuar procesin e konstituimit të KLGJ dhe KLP, vetëm e vetëm të largonte Arta Markun, duke treguar pamaturi politike të kryetarit Lulzim Basha. Ky i fundit i gjendur mes dështimesh dhe mungesës programore tek e cila e ka zhytur forcën e tij politike, mund të bëjë të vetmen zgjidhje të drejtë morale dhe politike, të dorëhiqet me nder sa nuk është vonë.