web counter
LEXO PA REKLAMA!

SHKARKO APP

App Store
Google Play

E fundit!

x

Gjykata lëshon kryeplakun pengmarrës

9 Shkurt 2018, 21:42, Aktualitet CNA

Para 3 ditësh, mediet raportuan se kryeplaku i fshatit Biranj të Korçës, ishte arrestuar në flagrancë se kishte rrëmbyer një person. Por pavarësisht kësaj, kryeplaku Bledi Nurçe, 36 vjeç, është lënë në arrest shtëpie dhe jo në burg, nga Gjykata e Shkallës së Parë në Korçë. Rrëmbimi është një vepër penale që neni 109/a i kodit penal e klasifikon këtë vepër të dënueshme nga 3-5 vite burg, dhe personi kategorizohet me rrezikshmëri të lartë, por gjykatësi Maks Qirjazi, nuk e konsideron si të tillë, dhe për të mjafton masa arrest shtëpie.

Ndërkohë flasim për Veting dhe Reformë në Drejtësi, ku është? Kur një kryeplak merr peng, dhe lirohet nga gjykata, ndonëse ai është kapur dhe arrestuar, atëherë çfarë mund të presim.

36-vjeçari, ka shkuar tek banesa e shtetasit K.R, 19 vjeç e ka goditur fizikisht dhe i ka kërkuar këtij të fundit, të dilte jashtë banese me pretendimin se e kërkonte Policia, për ta pyetur në lidhje me vjedhjen e disa pajisjeve elektroshtëpiake në banesën e shtetasit L.M, 45 vjeç, ngjarje e ndodhur më datë 30.01.2018.

Pasi kanë shkuar tek banesa ku kishte ndodhur vjedhja, Bledi Nurçe sërish ka ushtruar dhunë fizike ndaj shtetasit K.R, me pretendimin se ky i fundit ishte autor i kësaj vjedhje dhe më pas e ka lënë të lirë.

Kryeplaku është liruar nga Maks Qirjazi. Ndërkohë burime thanë për CNA (CityNews Albania) mësohet se familjarët e kryeplakut Nurçe, janë ofruar tek familja e Kris Rrokos, 19-vjeçarit të marrë peng, duke ofruar 5 milionë lekë në këmbim të mos-denoncimit në Polici.

Ndërkohë që flitet për Veting dhe Reformë në Drejtësi, kjo është fytyra e vërtetë që tregon Drejtësia shqiptare. Qytetarët e thjeshtë arrestohen se nuk kanë paguar ujin apo dritat, ndërsa zyrtarët rrëmbejnë, por “lihen të lirë” nga gjykata. /CNA.al

 

Korçë, rrëmben dhe dhunon 19-vjeçarin/ Arrestohet kryeplaku





Lajmet e fundit nga