web counter
LEXO PA REKLAMA!

SHKARKO APP

App Store
Google Play

Gruaja e bosit të mafias godet gazetaren italiane të RAI-t

9 Shkurt 2018, 19:05, Aktualitet CNA

Gazetarja e “RAI”-t, Maria Grazia Mazzola është goditur gjatë një specialeje që po bënte për mafian në Bari. Ndërsa ka tentuar të intervistojë familjarët e një mafiozi, ajo është goditur nga bashkëshortja e bosit mafioz të zonës.

Gazetarja ka marrë një goditje me shuplakë të fortë pranë veshit, e menjëherë është shpëtuar nga shëlbyesi i Famullisë së qarkut Libertà, don Francesco Preite, raportojnë mediat italiane..

Mazzola është shoqëruar drejt Poliklinikës së Barit, për të marrë ndihmën e shpejtë, por i është dashur të shtrohet në Repartin e Otorinolaringologjisë. Aty ka mbërritur edhe prokurori Giuseppe Volpe.

Reagimet nuk kanë vonuar, e i pari ishte kryebashkiaku i Barit, Antonio Decaro, i cili tha se ajo çfarë ka ndodhur është e papranueshme. ?Nuk mund të tolerohet një dhunë e këtij lloji, për më tepër përballë një femre dhe një profesionisteje të impenjuar në kërkim të lajmit?, tha ai.

Decaro theksoi vështirësitë me të cilat përballet qarku në fjalë për shkak të kriminalitetit.

?Jemi prej kohësh peng i organizatave kriminale që mendojnë të ushtrojnë hegjemoninë e tyre mbi këtë territor edhe përmes këtyre episodeve të dhunshme. Siç e kam thënë disa herë, ne nuk do ta kthejmë kokën në anën tjetër përballë kësaj situate dhe nuk do të lejojmë që emri i qytetit tonë të bashkëngjitet me episode të kësaj natyre. Ai qark quhet Libertà dhe duhet të çlirohet nga krimi i organizuar?.

 

 





Lajmet e fundit nga