web counter
LEXO PA REKLAMA!

SHKARKO APP

App Store
Google Play

E fundit!

x

Pse Lulzim Basha është i gatshëm për një marrëveshje të dytë me Ramën?

1 Shkurt 2018, 09:56, Aktualitet CNA

Nga Artur Ajazi

*Situata politike në vend nuk është favorizuese për ata që janë në opozitë, duke patur hallin e madh si ti shmangen përgjegjësive personale të ?bëmave? të tyre, dhe duke harruar se  kanë misionin historik për të ardhur me një model të ri politik  para shqiptarëve.

Situata politike që po përjeton opozita, ka probleme serioze, që kanë të bëjnë nga transparenca e fondeve që ka përdorur PD brënda dhe jashtë vendit, tek korrupsionin institucional ku bashkëpunëtorë natyrisht  janë  edhe ata të opozitës.

Në situatën e krijuar  politike kryesisht pas protestës së 27 janarit, duket se fatin e Lulit e përcakton sërish kryeministri Rama. Opozita politike shqiptare ka nevojë për një rinovim të menjëhershëm, dhe ky rinovim duhet të ndodhë përmes proceseve të rëndësishme ta moderuar atë,  para se ajo të pretendojë se ?do të marrë pushtetin?.

Por këto procese zotin Basha nuk e favorizojnë. Në Partinë Demokratike, nuk ka patur dhe nuk ka gjasa të ketë asnjëherë  rotacion të ?pushtetit? brënda saj përmes votës së lirë, duke bërë që kjo forcë politike, të ndodhet përgjithmonë në fazë tranzitore, nën drejtimin e një dore ?të fortë?.

Lulzim Basha erdhi si kryetar partie, pa patur kredencialet  politike, statutore, juridike dhe morale për të drejtuar PD, sidomos pas humbjes së madhe të 25 qershorit 2017. Për të mbuluar fenomenet dhe pasojat negative që po e shoqërojnë drejtimin e Partisë Demokratike drejt tatëpjetës së pandalshme, Lulzim Basha mbrohet vazhdimisht duke deklaruar se ?kjo qeveri  nuk është legjitime  sepse i ka numrat në Parlament?, ndërkohë që faktet  tregojnë  se gjatë  votimeve  dhe miratimit të ligjeve të rëndësishme, ka patur gjithmonë rrjedhje  votash edhe nga  grupi  i ?të rinjve demokratë? të listës tij.  Ndërkohë që e kundërta ka ndodhur dhe ndodh brënda  partisë së Lulit, që justifikohet me gjoja ?numrat e nevojshëm? kur edhe në Këshillin Kombëtar edhe në kryesinë qëndrore, për shkak të fizionomisë antidemokratike, ai nuk siguron as 40 per qind të mbështetësve.

Zoti Basha e di, se kjo qeveri  i siguroi  në 25 qershor 2017 numrat e nevojshëm për ta dominuar  Parlamentin, dhe ka moralin dhe legjitimitetitin  juridik  për  të vazhduar e qetë qeverisjen  e saj  deri në 2021. Zoti Basha e di fare mirë se falë situatës në të cilën gjendet sot PD, aleatët dhe ?fronti opozitar? të tërësi, qeveria Rama, ka jo vetëm kredencialet  por edhe shansin të qeverisë e vetme Shqipërinë  edhe pas 4 vitesh. Situata në të cilën  gjendet  sot opozita, së cilës vazhdojnë t?i rrjedhin  votat  e deputetëve të saj, për shkak të mungesës së alternativave  bindëse  nga lidershipi aktual, po e detyron zotin Basha të mendojë seriozisht  për gjetjen e një zgjidhje të qëndrueshme për fatin e tij politik.

Situata e rënduar brënda PD, e cila ka mbi 7 muaj që vazhdon të thellohet për keq, kanë bindur shumicën serioze të figurave drejtuese  të forumeve të saj, se zoti Basha nuk ka më legjitimitetit  juridik  e moral për të vazhduar drejtimin e partisë, aq më keq të mendojë për  qeverisjen e vendit. Kjo për shumë  arsye, por mbi të gjitha  për performancën  e dobët në dy protestat e fundit, dhe premtimet e pambajtura në vazhdimësi nga shkurti ?maji  2017 deri sot.

Duke u përpjekur të justifikohet me retorikën boshe, ultimatumet e mërzitshme  dhe kërkesat  bajate si ?kapja e shtetit dhe shkelja e Kushtetutës?, apo ?kanabizimi i vendit?, dhe deri tek ?qeveria antimafia?, zoti Basha e di edhe vetë se ka dështuar në bërjen e ?opozitës së fortë? pasi gjithçka ka rezultuar  një amplifikim  i ngjirrur  që nuk ka dhënë efektet e duhura për ta kthyer në lider partie apo ?kryetar opozite?.

I gjendur mes kryqëzimit  dhe pa rrugëdalje  tjetër, përballë  një qeverie dhe një kryeministri që po punon fort për të hapur në pranverë negociatat me BE, zoti Basha ka gjasa të kërkojë përmes ?shkesit? që mban pas, një tjetër marrëveshje  me zotin Rama. Kjo dhe vetëm kjo marrëveshje, do ta ndihmonte atë të riciklonte shumë nga  humbjet dhe kostot politike që ka pësuar brënda vetë partisë tij. Luli  është i vetëdijshëm se opozita duhet të rinovohet, të ketë prurje të reja dhe të pastrohet nga mentaliteti  marksist  i drejtimit, por nuk mund ta bëjë këtë sepse është i humbur.

PD ka nevojë urgjente të krijojë forumet dhe departamentet  statutore, të cilët do të përgatisin terrenin  e duhur për zgjedhjet e lira dhe të ndershme brënda saj.  Por deri atëhere , zotit Basha  i duhet patjetër  ndihma e një ?17 maji? të dytë, ndryshe situata postprotestës së 27  janarit, ka gjasa të ngrejë  stuhi kundër tij.

Burimet  njerëzore  që ka sot PD, nuk janë  të besueshme, nuk kanë kredibilitetin e mjaftueshëm për të realizuar një  proces të drejtë  zgjedhjesh  brënda  asaj force politike. Një marrëveshje e dytë me palë kryesore zotin Rama, do të nxirrte nga ngujimi  politik  zotin Basha, i cili është i  vonuar në këtë drejtim. Megjithatë, më mirë vonë se kurrë.





Lajmet e fundit nga