web counter
LEXO PA REKLAMA!

SHKARKO APP

App Store
Google Play

Qeveria zbardh planin/ Ja kur rriten pensionet

1 Shkurt 2018, 08:47, Aktualitet CNA

Qeveria ka zbardhur planin për vitin 2018, sa i takon reformave në ekonomi, polici, shëndetësi, arsim, etj. Në Fletoren Zyrtare është publikuar lista e të gjitha ligjeve dhe projektvendimeve që do të diskutohen gjatë vitit 2018, ku parashikohen një sërë reformash të rëndësishme.

Gazeta ?Sot? shkruan se qeveria në planin e saj për këtë vit do të bëjë riindeksimin e pensioneve, duke mundësuar një tjetër rritje minimale për të gjithë pensionistët. Në aktet e Ministrisë së Financave parashikohet një vendim i tillë në katër mujorin e dytë të vitit, që i takon periudhës maj-gusht, por që me shumë gjasë do të ndodhë në maj-qershor, pasi në korrik mbyllet Parlamenti. ?Synohet mbajtja në nivele optimale, vlerën reale të pensioneve dhe të përfitimeve të tjera sociale, duke rikuperuar dhe riimbursuar efektet e rritjes së indeksit të çmimeve?, thuhet në sqarimin që ka dhënë ministria. Po ashtu është parashikuar që në fund të vitit 2018 do të ketë sërish shpërblim për pensionistët me rastin e festave, por pa një shifër zyrtare.

Një tjetër plan është ndryshimi i VKM-në nr. 548/2016, ?Për miratimin e kritereve, rregullave dhe të procedurave për përfitimin e pensioneve shtetërore suplementare të personave që kryejnë funksione kushtetuese dhe të punonjësve të shtetit?.

Kjo bëhet për reflektimin e ndryshimeve të legjislacionit në kuadër të reformës në drejtësi, duke përfshirë në këtë VKM institucionet e reja të krijuara.





Lajmet e fundit nga