web counter
LEXO PA REKLAMA!

SHKARKO APP

App Store
Google Play

“Reduktimi i burokracive”/ Tryezë e hapur me fermerët dhe sipërmarrësit

1 Shkurt 2018, 08:38, Aktualitet CNA

Paraditen e sotme, në ambientet e Kryeministrisë, po zhvillohet një bisedë me fermerë, sipërmarrës bujqësorë, dhe operatorë turistikë, për prezantimin e fazës së parë të procesit të thjeshtimit të procedurave.

Takimi mbahet për të treguar angazhimin e qeverisë për të vijuar me reformën në shërbimet publike, me qëllim reduktimin e burokracive që rëndojnë mbi qytetarin dhe sipërmarrjen.

Të pranishëm në këtë tryeze publike me grupet e interesit, janë zv.kryeministrja Senida Mesi, ministri i Bujqësisë, Niko Peleshi, dhe ministri i Mjedisit, Blendi Klosi.

?Tryezë publike ? Reforma e Shërbimeve Publike dhe ecuria e procesit të Derregullimit, ministrat Peleshi dhe Klosi bisedë me grupe interesi.

Të vendosur për të çuar përpara reformën në shërbimet publike duke ulur ndjeshëm burokracinë që rëndon mbi qytetarin dhe sipërmarrjen?, shkruhet në profilin e kryeministrit Rama.

E pranishme ne takim, zv.kryeministrja Mesi u shpreh se “Jemi të vendosur për të çuar përpara reformën në shërbimet publike duke ulur ndjeshëm burokracinë që rëndon mbi qytetarin dhe sipërmarrjen”.

Ndërsa Klosi theksoi se turizmi dhe bujqësia janë dy fusha me prioritet për qeverinë. Ministri theksoi se lejet mjedisore do të jenë online. ?Brenda shkurtit lejet mjedisore do të jenë online. Madje edhe kontrolli do të jetë online transparent?.

Për ministrin e Bujqësisë Niko Peleshi, rezistenca që bën burokracia është më e madhe nga ajo që bën opozita për ligje dhe nisma të caktuara.

?Rezistenca që burokracia i bën një nisme është shumë herë më e madhe sesa i bën opozita. Prandaj kemi reduktuar në masën 63% të gjithë dokumentacionin, leje, licenca dhe vërtetime. Vitin tjetër aplikimet do të bëhen online nga shtëpia. Shtetin duhet ta ?fusim? në celular? përfundoi ai./ CNA.al





Lajmet e fundit nga