web counter
LEXO PA REKLAMA!

SHKARKO APP

App Store
Google Play

E fundit!

x

Pagesa e qirasë për shtëpinë e Arta Markut/ Ish-ministri i Ramës tregon pse është e jashtëligjshme

31 Janar 2018, 21:46, Aktualitet CNA

Pas vendimit të Këshillit të Ministruave për të kompensuar qiranë e banesës së Prokuores së Përkohshme, Arta Marku, ka reaguar ish-ministri i Drejtësisë, Ylli Manjani.

Nëpërmjet një postimi në rrjetet sociale, Manjani ka shkruar se ky është një akt krejtësis i paligjshëm, ndërsa jep edhe arsyet përse e quan të tillë.

Postimi i plotë:

Thjesht për ta ditur…

Vendimi që Qeveria ka miratuar sot për ti paguar qeranë zonjës Arta Marku, është krejt i paligjshëm!

Sipas Kushtetutës, qeveria që të marrë një vendim duhet pa tjetër ta autorizojë ligji për këtë gjë. Pra ligji duhet të përcaktojë të drejtën e qeverisë për ta marrë atë vendim pë atë çështje që rregullon ligji.

Referenca që vendimi i bën neneve 4 dhe 45 të ligjit për Menaxhimin e sistemit Buxhetor, autorizon Ministrin e Financave e jo Kryeministrin të propozojë vendime.

Në këtë vendim Ministri i Financave duket që është anashkaluar nga detyra e tij ligjore.

Nga ana tjeter çpunë ka qeveria të vendosë për fondet që i i janë caktuar në ligjin për Buxhetin, një institucioni të pavarur nga qeveria?!!

E thonë pastaj se nuk e ka kapur drejtësinë!!!

Ky vendim mund të kishte sens, sipas nenit 45 të ligjit për menaxhimin e sistemit buxhetor, vetëm nëse do ti jepte prokurorisë fonde shtesë nga fondi rezervë, por jo nga fondet që i janë caktuar prokurorisë.

Më në fund, mbi ç?ligj autorizohet qeveria të paguajë qeranë e shtëpisë së Prokurorit të Përgjithshëm?!

Tre rrjeshta vendim dhe i ka shkruar me arrogancë sikur është pronari i pareve të shtetit!

As ministrat e vet nuk i njeh…

Jo se mbeti te ky vendim për tu gjykuar ligjshmëria e këtij Kryeministri, por thjesht sa për ta ditur!

Le ta mbajmë shënim edhe këtë! /CNA.al





21:36 Aktualitet

Vlera e jetës!

Jeta, si fjalë dhe koncept filozofik, është e vështirë për t...

Lajmet e fundit nga