web counter
LEXO PA REKLAMA!

SHKARKO APP

App Store
Google Play

Berisha përplaset me analistin: Je i pa përgatitur... Avokat i një akti antikombëtar

31 Janar 2018, 20:57, Aktualitet CNA

Marrëveshja detare mes Shqipërisë dhe Greqisë, është kthyer në një burim debati e përplasjeje mes analistit Lorenc Vangjeli dhe ish-kryeministrit të vendit Sali Berisha.

Vangjeli e ka quajtur Berishën si shkaktar i një marrëveshje në dëm të Shqipërisë në vitin 2009, gjë që sipas tij e tregoi edhe vendimi i Gjykatës Kushtetuese.

Por ka hasur në një përgjigje të ashpër të ish-kryeministrit, i cili u shpreh se vendimi i Gjykatës Kushtetuese ishte i gabuar, dhe për interes të një pale të tretë, e për këtë kishte bërë edhe denoncim ndaj kësaj gjykate. Më tej ai e ka quajtur analistin Vangjeli si të papërgatitur dhe avokat të një akti antikombëtar.

“Je i pa përgatitur. Duhet të jesh i përgatitur sepse kjo nuk shkon. Unë të respektoj, por respektoj publikun më shumë se ty. Po bën avokatin e një akti antikombëtar.” tha Berisha.

Më tej Vangjeli tha se, “E bëtë edhe ju edhe Lulzim Basha, uroj të mos e bërë Edi Rama.”

Kësaj iu përgjigj sërish Berisha duke thënë: “Prit prit se s’ke parë gjë akoma. Është pala e tretë mbrapa kësaj.”

Sipas Berishës, biseduesit e kësaj marrëveshjeje kanë ndarë llokmat me njëri-tjetrin, një marrëveshje, strikt pazar. /CNA.al





Lajmet e fundit nga