web counter
LEXO PA REKLAMA!

SHKARKO APP

App Store
Google Play

Shtetet që nuk njohën pushtimin fashist të 7 prillit

31 Janar 2018, 19:02, Aktualitet CNA

Historiani Kastriot Dervishi,  ka vijuar me publikimin e dokumenteve të vjetra. Këtë herë ai ka publikuar një dokument me të dhëna lidhur me luftën Italo-Greke, ndërsa shkruan se në atë kohë kryekonsulli i grek Dhimitri Argyropulo, nuk e cilëson Shqipërinë si palë në konflikt, kur citon gjendjen e luftës mes Italisë dhe Greqisë.

Postimi i plotë:

1940/Kryekonsullata greke e Tiranës

Shtetet që nuk njohën pushtimin fashist të 7 prillit 1939 si p.sh. SHBA u larguan menjëherë nga Shqipëria duke mos dashur uljen e nivelit të përfaqësimit të tyre diplomatik nga legatë në konsullatë apo kryekonsullatë. Kështu veproi Gjermania, por po kështu veproi edhe Greqia. Legata greke në Tiranë u kthye në kryekonsullatë. Kur Italia fashiste sulmoi Greqinë, edhe kjo marrëdhënie midis dy shteteve nuk nuk mund të vazhdonte më. Diplomati grek në Tiranë, Dhimitri Argyropulo, cilëson në atë kohë gjendjen e luftës midis Italisë dhe Greqisë, e për asnjë çast nuk artikulon Shqipërinë si palë në konflikt.

Shtëpia ku qëndronte konsullata ishte e ish deputetit shqiptar dr.Simon Simonidhit. Familjes së tij konsullata i kishte paguar qiranë e fundit më 12.11.1940.

Nënshkruan procesverbalin e hollësishëm të dorëzimit kryetari i Komunës së Shupalit, Themistokli Koçila; sekretari II i Prefekturës së Tiranës, Bahri Toptani; kryesekretari i Prefekturës, Mehmet Hurshiti; mekaniku i bashkisë Hazbi Haxhiu; nëpunësit e Prefekturës, Myftar Sevrani dhe Shyqri Peza (vëllai i Myslim Pezës). Godina do i lirohej forcave të Komandës së Aeronautikës, titullarit të kësaj trupe, majorit Alberto Malinverni. /CAN.al





Lajmet e fundit nga