web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria i fal 12 milje det Greqisë/ Kryemadhi: Ky satrap nuk pyet...

30 Janar 2018, 15:50, Aktualitet CNA

Kryetarja e Lëvizjes Socialiste për Integrim Monika Kryemadhi, ka reaguar pas deklaratës së ministrit të Jashtëm grek Nikos Kotzias, se Shqipëria kishte pranuar zgjerimin detar me 12 milje për Greqinë.

Sipas saj, Edi Rama nuk njeh as moral e as ndjesi për atdheun e për karrigen e tij shet gjithçka.

“A ka më qartë se kaq?! Ky njeri për karrigen e tij shet gjithçka. Nuk njeh as moral e as ndjesi për atdheun.

Ky njeri pasi shkatërroi marrëdhënien me Greqinë duke prishur Kishat si në kohën e komunizmit, tani fal detin për pak mëshirë nga Greqia. Ky njeri ka shqyer edhe portat e Shqipërisë për të larguar të rinjtë dhe për të sjellë gjithë plehrat e botës.”, – shkruan Kryemadhi.

Kryemadhi teksa e quan Ramën si satrap, shprehet se ai nuk pyet më për asnjë vlerë njerëzore, qytetarie apo atdhedashurie.

“Dhe në fund e ka të qartë se shqiptarëve nuk u duhet më as deti, as mali, as fushat dhe asnjë pasuri tjetër, sepse kështu si e ka katandisur Shqipërinë dëshira e çdo të riu është të largohet nga vendi. Ky satrap nuk pyet më për asnjë vlerë njerëzore, qytetarie apo atdhedashurie.”, shkruan kryetarja e LSI-së.

Më tej ajo shkruan: “Sepse për të ka vlerë vetëm karrigia e tij, për të cilën po paguajmë të gjithë çmimin më të shtrenjtë, atë të shitjes së territorit shqiptar.

Atë që nuk e bënë dot as diktaturat dhe pushtuesit, Edi Rama po e nënshkruan me gjakftohtësi të madhe.” /CNA.al





Lajmet e fundit nga