E fundit!

09:03 Sociale

Epidemia e heshtur, një në dy shqiptarë ndërron jetë nga zemra

Në mënyrë sistematike në 15 vitet e fundit, çrregullimet e...

Detajet/ Si e emëroi dhe shkarkoi vetë Niko Peleshi kreun e Bordit të Kullimit

30 Janar 2018, 14:37, Aktualitet CNA

CNA (CityNewsAlbania) solli më parë një material të plotë sesi ministri i Bujqësisë e emëroi dhe shkarkoi vetë drejtorin e Drejtorisë së Ujitjes dhe Kullimit për rajonin Korcë-Elbasan-Berat, Nexhip Minarolli. Minarolli u emërua nga LSI me propozim të PS në vitin 2014, dhe u shkarku sot nga PS pas denoncimit të LSI.

CNA (CityNewsAlbania) ka mësuar të tjera detaje. Rreth katër vite më parë Nexhip Minaroli ishte rekomanduar nga Partia Socialiste dhe emëruar nga LSI.

Ai u emërua në krye të Bordit të Kullimit në Koçë, nga ish-ministri i Bujqësisë, Edmond Panariti, rreth katër vite më parë.

Disa kohë më parë, kur u bë reforma e Bordeve të Kullimit, Panariti nuk e riemëroi në krye të bordit të kullimit, pasi me reformën e re nga drejtoritë rajonale, të cilat përfshinin një qark, me reformën e re përfshijnë disa qarqe.

Panariti nuk e riemëroi në krye të Bordit të Kullimit Minarollin pasi në formularin e Dekriminalizimit kishte fshehur faktin që ishte dënuar më parë.

Por nuk kaloi shumë kohë dhe vetëm tre javë më parë, Niko Peleshi, rreth 5 muaj pasi mori detyrën e Ministrit të Bujqësisë, e riemëroi Minarollin drejtor të Drejtorisë së Ujitjes dhe Kullimit për rajonin Korçë-Elbasan-Berat dhe sot pas denoncimit të LSI, e shkarkoi atë.

Kjo historia e kreut të Bordit të Kullimit në Korçë është shumë qesharake, pasi e propozoi PS dhe e emëroi LSI në vitin 2014, nuk e riemëron LSI në vitin 2017, e riemëron Peleshi në 2018 dhe e shkarkon po vetë Peleshi, sot pas denoncimit të LSI.

Minarolli u emërua drejtor i Drejtorisë së Ujitjes dhe Kullimit për rajonin Korcë-Elbasan-Berat, me firmën e ministrit të Bujqësisë, Niko Peleshi dhe u shkarkua po nga ky i fundit.

Kjo është papërgjegjshmëria sesi funksionojnë institucionet në Shqipëri dhe Niko Peleshi nuk po shkon kurrë në pritshmëritë e Fehmie Thomait, madje po tregon se është shumë më poshtë saj./ CNA.al

Shkarkimi i drejtorit të Bordit në Korçë/ Hipokrizia dhe mashtrimi i Niko Peleshit dhe LSI-së