E fundit!

16:27 Politikë

Tipologji e re e menaxhimit të plazhit publik/ Çfarë përcakton vendimi i qeverisë

Qeveria shqiptare ka miratuar shtimin e një tipologjie të ...

Shkarkimi i drejtorit të Bordit në Korçë/ Hipokrizia dhe mashtrimi i Niko Peleshit dhe LSI-së

30 Janar 2018, 13:15, Aktualitet CNA

Sot Ministri i Bujqësisë, Niko Peleshi ka shkarkuar nga detyra kreun e Bordit të Kullimit në Korçë, Nexhip Merollin, pas një denoncimi nga LSI, se drejtori ishte një person i dënuar më parë.

Peleshi reagoi menjëherë dhe shkarkoi mikun e tij, një nga bashkëpunëtorët më të ngushtë në PS-në e Korçës.

Ky është rasti, kur mund të themi ai që e rekomandon e shkarkon dhe ai që e emëron e denoncon.

Peleshi thotë se nuk është ditur fakti se Nexhip Merolli ka qënë person i dënuar.

Niko e di mjaft mirë se kush është kryetari i socialistëve në komunën e Libonikut, një bastion i majtë dhe Merolli i ka mbushur thesin plot socialistëve në këtë komunë.

Ministri i Bujqësisë thekson se Merolli rezulton i dënuar, me një vendim të formës së prerë dhe ky fakt nuk është marrë në dijeni në momentin e emërimit të tij.

Emërimi është bërë nga ish-ministri i Bujqësisë, Edmond Panariti, çuditërisht me rekomandim nga Niko Peleshi, PS dhe grupi i deputetëve të Korçës.

Edmond Panariti emëron duke e ditur se ka qënë i dënuar me një vendim të formës së prerë, por pasi ja kanë rekomanduar deputetët e Korçës. Pra, është Niko Peleshi që e ka rekomanduar. A e beson kush se ish-zv.kryeministri që ka dijeni edhe për pastrueset e shkollave nuk e ka ditur që po emëron një person të dënuar si drejtor?

Që mos të bëjë rolin e budallait Niko, por edhe të hipokritit bashkë me LSI-në, në qarkun e Korçës ka edhe drejtues të tjerë të lartë institucionesh, të dënuar nga gjykata, që më pas ndoshta kanë marrë edhe pafajësinë, ashtu siç është edhe rasti i Merollit të shkarkuar sot për show nga Niko Peleshi, i cili pritet të vërë në vend të tij një nga ushtarët e bindur të Rilindjes dhe jo një socialist.

Në rast se do emra, ato i gjen në dosjet e tij kur i ka rekomanduar dhe i ka bërë drejtor.

Askush nuk çuditet kur LSI i emëron pastaj i denoncon, Niko i rekomandon pastaj i shkarkon, por një gjë është e sigurtë, të dy palët janë bashkë të zhytur në llum dhe show mediatik nuk i shpëton dot./ CNA.al