Mrekullitë e Ramës e kanë bishtin prapa

30 Janar 2018, 12:56, Aktualitet CNA

Nga Sherefedin Shehu

*Në kohën e komunizmit, kur ndonjëri humbiste jetën aksidentalisht në punë, të ndjerin e bënin hero të ?punës socialiste? dhe, që të harrohej humbja e tij/saj, shpikej një aksion duke përdorur parullën ?Një bie, mijëra ngrihen?.

Këtë parullë po na e kujton Rama me mrekullitë imagjinare që po premton pas xhvatjes së kompanisë strategjike, ARMO. Përveç shumë kantiereve që do të hapen me gropën e madhe financiare ?1 Miliardë Euro?, ditët e fundit po na tregon mrekullinë e Aeroportit ?gjigand? të Vlorës.

Por, deri më sot, mrekullitë e Ramës kanë qenë dështime dhe metoda për xhvatjen e shqiptarëve. Mediat po na rikujtuan se si u mburr Rama para 3 vitesh kur na tha se e zgjidhëm problemin e ARMO-s me një ?investitor serioz Amerikan?, ndërsa sot, kur doli se ai Amerikani që xhvati ARMO-n na qenka një mik i Ramës, shqiptar, nuk thotë një fjalë për të ardhmen e qytetarët që i falën jetën ARMO-s ose të paktën të kërkojë ndjesë për mashtrimin. Kjo nuk të habit, sepse ishte Rama që kontraktoi për 13 milion Euro ?Croën Agents?, që gjoja do të bënin zap doganat, dhe pas dy vitesh i përcolli me 7 milion Euro në xhep pa bërë asgjë.

Më pas kontraktoi firmën e Chery Blair për të prishur kontratën e Qeverisë me firmën Rapiscan dhe i dhuroi 700 mijë Euro vetëm pse i tha tërhiqu se gjyqin e ke të humbur. Ose CEZ-in, që na kishte borxh 700 milion Euro, nuk e çoi në arbitrazh por e përcolli duke i dhururar 110 milion Euro.

Me këto dhe të tjera që kemi pare, mrekullia e fundit, Aeroporti i Vlorës, as nuk do të sjellë begatinë e Shqipërisë dhe as nuk do të jetë gjigand. Pa filluar akoma, ky aeroport na ka kushtuar 100 milion Euro. Për të drejtën e hapjes së Aeroportit të Kukësit, që Rama nga inati nuk do ta hapë sa të jetë në pushtet, koncesionarit të ri të Rinasit, Kinez se Gjermanët i perzuri, ju zgjat afat i kontratës për 2 vjet, që i kushtojnë buxhetit të shtetit 30 milion Euro dhe shqiptarëve biletat më të shtrenjta në botë.

Për të drejtën e hapjes së aeroportit të dytë, që është ky i Vlorës, koncesionarit i zgjatet kontrata edhe për 4.5 vite të tjera që na kushtojnë të paktën 70 Milion Euro dhe do vazhdojmë të kemi biletat më të shrenjta në botë.

Pas përfundimit të aeroportit të Vlorës, ne do të paguajmë për gjithë jetën. Ministri i Ramës nuk dha asnjë shpjegim për koncesionin se gjoja na qenka ?sekret tregtar? por tha se do të ketë rreziqe ?të vogla?. Dhe rreziku më ?i vogël? është garancia e fitimit që Rama do t?i japë me ligj ?shoku mikut? të tij investitor edhe nëse në aeroport nuk të ulet asnjë aeroplan.

Dhe që në të nuk do ulet asnjë aeroplan është e sigurtë. Ky aeroport nuk është ndërkombëtar (ndoshta Rama ka ndërmend që ta bëjë por ka frikë që ta thotë) dhe rrjedhimisht do të konkurohet nga aeroporti i vetëm ndërkombëtar i Shqipërisë që është vetëm 100 km larg tij.

Ndërtimi i tij nuk bazohet në ndonjë studim fizibiliteti, por vetëm në në garancinë e Qeverisë për fitimin e kompanisë, pavarsisht sa do kushtojë. Sot kemi aeroprotin e Kukësit që ofrohet falas dhe nuk e merr askush. Dhe, infrastruktura turistike dhe standarti i turistëve që vizitojnë Shqiërinë nuk mundësojnë fluturimet ?Charter?.

Kështu, aeroporti madhështor që na servir Rama do të na shtojë vetëm varfërinë. Kësaj i thonë të na rrojë Rama se ne jemi mësur me të keqen. Megjithëse e kemi pësuar nga bëmat e tij, prapë vazhdojmë ta ?duam? atë, ndoshta sepse nuk shikojmë ndonjë zgjedhje më të mirë.